Apple 官方回收價暗加「益街坊」！ LG G4 也受惠
正如剛剛提到，不論係貪新鮮想 Trade in LG G4 換做較新的 V10 還是因為怕「死機」而想 Trade in 都好，有意將 G4 放售的網友看來為數不少。（畢竟 G4 算係 2015 年數一數二受歡迎的旗艦呢）不過， G4 的回收價一早已經「插水」，叫有意放售的朋友卻步。另一方面， Apple 係一月頭將 Android 同 Windows 手機列入左官方「升級換購新 iPhone 」服務範圍，不過 Apple 個回收價當時實在太差勁，網友的回應都係「估計得傻仔先會比拒回收」。不過，事情到左近日就有改變，因為 Apple 「升級換購新 iPhone」而家將回收價加碼，而且以 G4 來計，升幅唔細！本身 LG G4 係 Apple 網上估價之中，只係值 $1625 。而現在回收價就提升至 $2040 ，價錢足足升左四分一！如果將 Apple 最新回收價同先達手機回收價相比， Apple 新回收價都係有優勢的。現時， csl 「手機 Trade-In 參考價」為 $1400 ，而先達標示出來的回收價就大約係 $1800 到 $2200 左右，或許會比 Apple 「靚價」，但計埋手機新淨程度所帶來影響， Apple 可能還是會高少少呢。（提提大家，Apple 係會俾返相應價值的 Apple Store 禮品卡，不是俾現金的）
▲本身 LG G4 回收價只係得 $1625 ，呢個價可謂「跑輸大市」。
▲ 而家 G4 回收價就多左 $415 蚊，回收價最高有 $2040 ，比起 csl 好之餘亦未必會比先達手機回收價差。
▲先達來講， LG G4 回收價介乎係 $1800－$2200 左右，所以 Apple 今次個 G4 回收價都可以叫做「貼市價」嘅。
邊部手機回收價最高？都仲係 iPhone
至於，係今次 Apple 加完回收價之後，邊部手機回收價最高呢？當然都是 iPhone 了！細心的朋友或會發現，係「升級換購新 iPhone」版面中，介紹文字已經改為「以你現有的智能電話換購全新 iPhone，可享最高達 HK$3500 優惠」。而回收價達 $3500 的，就係 iPhone 6 Plus 128GB 版本。不過，如果同 csl 回收價比，仲係少左 $300 。所以某方面來講， Android 手機用家幫襯 Apple 官方 Trade in 服務，比起 iPhone 用家更著數呢⋯⋯
▲ 係之前的介紹文字當中， Apple 並沒有提到手機最高回收價是多少，而家就加左。
▲ 現時 Apple 官方回收價之中，以 iPhone 6 Plus 128GB 版本最高（但唔代表著數啦），而 64GB 版本就會少 $100 。
▲今次回收價上升，基本上係各款手機都有受惠的，好似 iPhone 4 8GB 版本，本身只得 $350 ，而家就有 $500 啦！
參考：Apple 網上估價、 csl Trade-In 價目表
在文章發佈時 ，LG G4 賣價為 $3498，按這裡有更詳細規格與賣價。