iPhone 7 處理器 A10 將由台積電獨家包攬,Samsung 無份!
今次消息由韓國媒體 The Electronic Times 披露,內容係指相信會係用於新 iPhone 的下一代處理器 A10 ,將會由之前已經為 iPhone 6s/ 6s plus 生產 A9 處理器的台積電獨家包攬。換句話說,係 iPhone 6s 一代成功爭取部份處理器生產訂單的 Samsung ,係新一代 iPhone 處理器訂單爭奪之中,再次失敗。就今次台積電能取得 A10 處理器獨家供應,外界一般相信主要係基於兩個原因。一方面係有指台積電將會用上 10nm 製程技術,領先其他對手。二來就係 iPhone 6s/6s Plus 之中, Samsung 用上 14nm 製程的 A9 處理器相比之下在續航力以及發熱情況表現都較台積電 16nm 製程的 A9 處理器明顯遜色。不過,新一代 iPhone 相信都要係 9 月先會同大家見面,以上消息是否屬實,就要到時先知啦!
▲ iPhone 6s/ 6s Plus 的 A9 處理器由 Samsung 以及台積電兩者代工生產,表現差距被指比起 Apple 所指的 3% 更大。
來源:9to5mac