注意事項 001：細機是魔鬼 向細機說不！
今年的情況根本就係一面倒，基本上除非你手持的是亮黑色，都叫做有少許可以賺，如果唔係任何顏色的細機，無得賺之餘，分分鐘仲要蝕本離場。當然，如果你成功買到亮黑色的 iPhone 7，16/9 回收價大約為 $8500 - $9000 左右 (視乎到底係 128GB 還是 256GB)，即可以賺到 $1800 - $2100 左右，聽落都頗可觀，所以如果明日 iReserve 重開的話，除左亮黑其他咩都唔好訂，呢個係目前最穩妥的做法。
注意事項 002：亮黑 iPhone 7 Plus 回收價天價？
版主唔係神仙，唔會知道聽朝 iReserve 會唔會無啦啦有亮黑色 iPhone 7 Plus 賣，不過假設真係有的話，絕對絕對值得衝。在貨源短缺的情況下，就算你得一部亮黑色 iPhone 7 Plus，都會相當值錢。除非，佢聽日忽然間放大量亮黑色 iPhone 7 Plus 出黎賣啦，如果係咁，就 GG 了，真係要同人鬥快。唔講咁遠，講番今日，iPhone 7 Plus 亮黑色 256GB，一開波回收價已萬五，諗住已經好高，點知到了後期，先達回收價升到 $18500，甚至係 $20000，實在破天荒咁高價。
▲ 價係有，機呢？我無，你都無。不過真係有人成功交易 iPhone 7 Plus 亮黑色。
注意事項 003：亮黑色以外，啞黑為今年最熱門顏色
今年 iPhone 7 系列有五種顏色，除左「極稀有」的亮黑色，可以留意到，啞黑色的 iPhone 7 Plus，回收價一直都處於一個穩定而相對高的價位；反而上年的大熱顏色玫瑰金，到了今年似乎真係過氣了，回收價是眾多顏色之中最低。
▲ 無錯！亮黑色以外最好賺最穩定的，是版主手上呢隻啞黑色！
注意事項 004：128GB 賺的機會大於 256GB，32GB 危危乎
今年 Apple 在 iPhone 7 上增設 256GB 儲存容量，最初估計，Apple 史無前例咁大容量，256GB 應該係三個儲存容量當中最好炒的一個。但回收價結果反映出，原來 128GB 相比 256GB 賺的水位更多 (唔計亮點色)。就用番啞黑色為例，128GB 可賺的水位約有 $1100 - $1200 不等，而 256GB 就大概只有 $900 左右。行過不少店舖，都見到門外普遍貼住收 128GB 大機，反而 32GB 就唔係咁多店舖收。
▲ 唔係咁多唔等於無，不過 32GB 有得賺的，好似主要都係啞黑色...... 多數店舖都會貼住收 128GB，反而話收 256GB 的就比較少，但都有嘅。
同大家講完以上四大注意事項，相信聽日 iReserve 開賣的時候，精明的網友應該會識揀了吧？
iPhone 7 & 7 Plus 賣買攻略
四個要點 6 個步驟，下午三點 超快係 AOS 搶 iPhone 7 亮黑
純數據分析！iPhone 7 炒價必升舊年
今年有無得炒？iPhone 7 / iPhone 7 Plus 售價 + 首發地區
訂 iPhone 7 Plus 亮黑 ! 9 / 9 三點鐘 AOS 買機攻略 (附一按即通連結)
Mark 低日子搶 iPhone！iPhone 7 系列 預訂 + 香港賣價！
前代 iPhone 6s 系列、iPhone SE 大減價，最多劈 $1700 入手是時候？
AOS、iReserve 同時開放？iPhone 7 Plus 亮黑色 必搶攻略
小心！iPhone 7 亮黑色大陸大把貨？第一批機 放貨要快手？
版主醒你特別版「 IR」！開賣前五步登記提前搶 iPhone 7
蘋果新招打擊 iPhone 7 炒家！ iReserve 都要蝕本離場？
最後估價：iPhone 7 回收價慘烈！大機賺過先達的方案係......?
排長龍抑或無人買？iPhone 7 / 7 Plus 開賣情況現場直擊！
第一輪 Apple Store 門外回收價！大黑 128GB iPhone 最高賺 $2100
情況急變？iPhone 7 Plus 先達回收價急跌，Strong Hold 定速放？
亮黑色 iPhone 7 Plus 賺近七千！先達第一輪回收價全公開！
炒唔起 價照抬！大舖天價賣 iPhone 7，誰是水魚？
輸少當贏！細舖急清貨 iPhone 7 賣價平過官方價！
iPhone 7 開賣市況總結 教你 iReserve 不蝕法門！
iPhone 7 係文章刊登時，賣價分別為 $5588 (32GB)、$6388 (128GB) 和 $7188 (256GB)。按這裡有更詳細規格。
iPhone 7 Plus 係文章刊登時，賣價分別為 $6588 (32GB)、$7388 (128GB) 以及 $8288 (256GB)。按這裡有更詳細規格。
＝＝＞iPhone 7 資訊及炒賣討論 by ePrice.HK @ Telegram! 按 Google Play 或 Apple App Store 下載並安裝並登記 Telegram 即時通訊軟件，加入 iPhone 7 手機及賣買討論區 by ePrice.HK ，以後全天候討論 iPhone 7 事宜，賣買資訊。想知 Telegram 是什麼？安全嗎？可按此