「爆炸潮」蔓延至 iPhone? 台首部 iPhone 7 Plus 出現電池膨脹
|
Apple
就在《爆料公社》的 Facebook 專頁上,有網友上傳了兩張照片,表示「iPhone 7 Plus 購買一週... 電池鼓起...」,真係電池鼓起咁簡單?從圖中可以見到,該名網友所買的啞黑色 iPhone 7 Plus,真係鼓得好誇張。但到底係乜事導致手機膨脹呢?
呢個時候,肯定會有忠實的果迷,會懷疑張圖係造假的,可能只係事主將手機撬開,然後扮到好似 iPhone 7 Plus 出事咁。不過,後來台灣蘋果日報就聯絡到受害者,但事主不願出面,由佢同事解說,表示部機買左番黎一個星期,都係用原廠充電器叉電,番工果陣將部電話放入袋度,番到公司拎部電話出黎,已經見到手機電池膨膠,個芒無爛,可以正常使用,但因為驚住爆炸而將部電話熄左機。繼 Samsung Note7 之後,似乎就連 iPhone 7 Plus 都出現疑似爆炸的事件,唔知網友對是次事件點睇呢?留言講下啦!
來源:爆料公社 | 蘋果日報 (台灣)