12.12 網店優惠小心中伏！教你 iPhone 7 更抵、免搶入手方法！

左定坤 (Cho Ting Kwan) 2016-12-09 20:59 | Apple

每年有兩個重要的日子，一定要記住！分別為雙十一以及雙十二，有乜特別？無嘅，只係要記得，每逢呢兩個日子，都會有不少廠商推出速銷優惠，你亦可以理解為清舊貨的日子。而蘇寧今年都加入了速銷的戰團，一連 5 日有不同的限時優惠，星期五果日 (9/12) 就同大家提過，iPad Pro 12.9 吋超級抵，半價賣，係咪代表樣樣嘢都係同樣咁抵呢？小心中伏！無錯呢啲優惠其實並不差，但並不代表佢哋賣嘅係最抵！就好似 iPhone 7 咁，就係一個好好的例子。就等版主話俾大家知，到底邊度入手 iPhone 7 更抵玩！睇下文啦！



蘇寧雙 12 限定優惠！ iPhone 7 減價 $400 真係抵玩？
先講下蘇寧 iPhone 7 有啲乜嘢優惠先！由於優惠日日都會轉，所以有打算在蘇寧網店買 iPhone 7 的網友，就要留意住日子: 12 月 12 日就有 iPhone 7 32GB 版本，而 12 月 15 日則有 iPhone 7 128GB 版本，兩部都同樣減左 $400，前者賣 $5188，而後者則賣 $5988。要注意的是，兩者同樣每種顏色限量 100 件。

  
▲ 而家未減價姐～12 月 12 同埋 15 日，呢兩部機就會減 $400，即係分別賣 $5188 和 $5988。

細舖賣價更抵，又唔使搶，網友會考慮嗎？
見到有網站提到覺得 iPhone 7 抵玩，理論上又沒有錯的，相比其他大舖來說，算做抵玩，但其實呢個價錢，始終未及細舖便宜。睇番深水埗細舖，雖然 32GB 版本近呢兩個星期加左少少價，最新賣價約 $5080，但依然比蘇寧雙 12 優惠更便宜; 至於 128GB 版本，則在呢兩星期間稍為下調，最新賣價則約 $5890。既然出面賣價仲平過蘇寧，點解還要特登浪費時間去搶呢？你話係唔係先？



iPhone 7 (32GB) 在文章發表時，大舖賣價為 $5488，按這裡有詳細規格及最新賣價。
iPhone 7 (128GB) 在文章發表時，大舖賣價為 $6288，按這裡有詳細規格及最新賣價。