【有片】獨家搶先睇!說好的高屏佔比呢?iPhone 8 真機上手

左定坤 (Cho Ting Kwan) 2017-07-25 14:23 | Apple
做得呢行嘅,版主好多時候都會主動認識不少手機舖頭、大舖的店員,你話當交個朋友又好,當有時方便問下價收下料都好,相熟之後有時都會有一些正嘢同版主分享一下。就在剛剛,有間手機舖頭 send 了一段 iPhone 8 真機上手的影片給我,影片是店主認識的一間中國手機保護貼廠流出,而消息人士就指出,片中的 iPhone 8 是真品,而非山寨貨。到底 iPhone 8 會是何方神聖呢?睇下文啦!

iPhone 8(Facebook).jpg

影片是由中國一間手機保護貼廠於昨天上傳至 WeChat 朋友圈的,不過上傳了不久後,影片就被刪除,但就被版主認識的手機舖頭店主 back up 了。從影片中可以見到,其實之前 iPhone 8 外型的傳聞,都已經中左起碼有八九成。首先可以確認,今次 iPhone 8 繼續會有亮黑色,不過相信呢隻色今年都未必再有得炒 (睇番 iPhone 7 / 7 Plus 就知,其實而家最唔值錢的,就是亮黑色 XD)。

其次就係留意一下,機背相機部份同樣是雙鏡頭,不過跟 iPhone 7 Plus 不同的是,iPhone 8 雙鏡頭是採用了直向的設計,兩個鏡頭中間會有個閃光燈。還有就是,指紋辨識器並不是在機背後面,而是收埋在屏幕下方、玻璃下面,不過在製造保護貼的過程中,還是需要在屏幕下方開一個半圓形的孔,相信是以避免影響指紋感應吧。更重要的是,iPhone 8 之前係咁傳話有高屏佔比,但影片中的 iPhone 8,似乎跟以往的沒有太大的分別,說好的高屏佔比呢?



不過戴番個頭盔先,雖然而家手機保護貼廠有實機在手,可以在製造保護貼的過程中作參考用途,但並不排除是否工程機,也許到實際發佈的時候,在外型上可能會有一點點的改變,但相信在設計風格上,大概就是這樣的了。另外,可能呢部機最後唔叫 iPhone 8,會叫 iPhone 7s,暫時未能百份百肯定。不過如果新 iPhone 係咁嘅樣,網友點睇呢?

最新新聞