2017 最貴「大閘蟹」! 一港人 $35000 買 iPhone X
|
Apple
話說上星期五 iPhone X 在 iReserve / AOS 開賣,咁香港貨量唔係好多,當然唔係咁容易搶到。有人歡喜有人愁,有些人成功搶到 iReserve Quota,有些人則連 AOS 都買唔到。而當日,版主就在某香港格價網上,看到有店舖居然標價 $35000 (其實個價係 24/9 已經標左出黎),正常網友應該都知道,呢個格價網啲價錢基本上係店舖自己報價,佢鍾意報到 10 萬,你都吹佢唔漲。就算果陣覺得 iPhone X 實有得炒,聰明的網友應該都不會上當吧......
理論上是這樣,但版主昨日同某細舖店主吹下水:原來真的有人落左 $15000 訂喎...... 版主一聽到,真係第一反應就係,條友唔係土豪的話,就即係 ___ 嘅 (自行填充)。落左 $15000 訂,今舖真係「威」出國際,如果唔攞貨的話,佢就蝕 $15000,但如果佢攞貨的話,佢就起碼蝕 $25000,即係點都蝕。而呢間舖個店主,今次仲唔發到笑呵呵? 不過,版主呢度都戴定個頭盔,就係呢件事嘅真確性,會唔會只係間舖頭自己吹風出黎「老作」呢? 咁就無從考究。當係俾大家笑下,如果件事係真的話,網友會有乜嘢同果位用 $35000 買 iPhone X 的朋友講呢?