EA本年度大作Need for Speed Undercover for iPhone，本來話上年年尾推出，等到今年都仲未有。期待又期待，昨天終於係App Store搵到Need for Speed。售價唔太貴，只係US$9.99，有興趣按這裏。我史提芬夫係電腦玩過好幾個Need for Speed遊戲系列，一路都覺得好正好好玩，當然無忍手即刻下載黎玩。
畫面可以話係咁多隻Racing Game入面之中最靚最細緻，玩落更加投入。唔單止有唔少靚車選擇，遊戲當中更插入不少影片。過關時會看到好多真實的影片，可以見到EA做得好有心機。比賽中玩家仲可以撞到其他車飛起，又或力壓佢地。控制車的方法唔太難，只要拿著iPhone向左右擺動就得，正頭當正iPhone係軚盤咁玩。最過癮當然係入面同警車鬥法，逃避佢地追捕啦。雖然等左咁耐先有得玩，但玩過之後就會覺得值得等咁耐的！