華為 P8、P8 Max 正式發佈！香港確認首發
要講起 華為 P8 呢部手機，其實同之前既 華為 Ascend P7 一樣，都係賣設計靚仔同埋唔錯既規格，佢 採用 5.2 吋 FHD 解像度屏幕，而效能方面八核 Kirin 930/935 處理器配上 3GB RAM，應該普通版與 64GB 版用不同處理器 ，因為是運行 Android 5.0 所以亦支援到處理器的 64bit 架構，有分 16GB 與 64GB 兩個版本 並支援外置插卡，相機方面 華為 P8 採用 1300 萬像素主鏡頭與 800 萬像素前鏡頭，而佢強調就係有，電池容量係 2600mAh 不算特別多，但又有一個「超級省電模式」可以係低電量時侯開啟，跟之前推出的 Mate 7 一樣，它是具備雙卡槽，SIM 2 也是可以 Nano SIM 與 Micro-SD 兩用的。呢部新機既主打功能係拍攝方面，首先佢主鏡頭既 O.I.S. 光學防震可以做到 12 度角度防震，號稱比起 iPhone 6 Plus 的 6 度防震強一倍，而亦主打 RGBW 四色 1300 萬像素感光元件，而他們是第一家做到四色感光元件在手機的廠商，通過這樣去減低低光雜訊和高對比下的暗位細節，而機內亦有 DSLR 級的 ISP 影像晶片，可以有更好的自動對焦速度、更好的白平衡，亦出到更自然的顏色。拍攝功能方面除左可以進行長曝拍攝 Light Painting 光繪相片之外，最強甚至可以曝星軌！雖然唔係新玩意，不過佢地可以即刻係手機上面睇到長曝效果，這是單反也做不到的一個功能啊
！而之前版主 Lawrence 講過話會有的華為 P8 Max 亦都登場了，同傳聞一樣係採用 6.8 吋 FHD 屏幕，八核 Kirin 930/935 處理器配上 3GB RAM ，相機規格跟 P8 一樣是 1300 萬像素配合 800 萬像素的組合，不過電池上升到 4360mAh，，同樣有分 32GB 與 64GB 兩個版本，而佢都係具備雙卡雙待與雙 4G 規格，係超級大屏幕版本的一部手機，但都做到 6.8mm 薄身，還算不錯啦！
但係定價方面一點都不便宜，以華為 P8 為例，這部機 16GB 配 3GB RAM 版本賣 $499 歐元（約 $4,098 港幣）；64GB 配 3GB RAM 版本賣 $599 歐元（約 $4,919 港幣）；而 P8 Max （32GB 版本）定價 $549歐元（約$4,509 港幣）；64GB 版賣到 $649 歐元（約 $5,330) ，已經係旗艦級價錢啦！呢部機已經確認會係香港首發，好快買得到，大家又會唔會考慮呢？
▲這個…不是 HTC 的 Dot View Cover 嗎…？
▲這就是 P8 Max 了，很大部吧
▲可以進行長曝不是新玩意，但可以即時睇到效果就好正
▲確定香港會首發，大家又會唔會考慮呢？
華為 P8 、P8 Max 相關文章：
有 4360mAh 用兩日！華為重點 P8 、P8 Max 香港確定首賣！薄身、金屬靚機鬥 M9！華為 P8、P8 Max 實機版主上手體驗
薄身、金屬、新八核！華為重點新機 P8 版主現場直擊！