一體式金屬機身成潮流! Huawei P8 硬撼 HTC One M9

Lawrence 2015-04-16 13:59 | Huawei
最高檔的手機,到底會用什麼材質?應該都係一體式金屬機身!iPhone 6 與 iPhone 6s 已經係經典,版主玩過 HTC One M9 更加覺得好快感。而早前版主試過的 Letv 樂視超級手機 1 Pro 與 Max 都係這個設計,而版主 Lawrence 我就係英國試過 Huawei P8,這部都係一體式金屬機身! 剛剛我又有帶部 HTC One M9,一齊睇睇華為又能否係手機造型、設計,打敗 HTC 吧。 

//timgm.eprice.com.hk/hk/mobile/img/2015-04/16/201684/lawrencelaw_3_4546_0211ef6e2c8b91b5d6942b2abc3cc8c2.jpg

雙卡雙 4G 再加新八核處理器! Huawei P8 開箱!

作為華為上半年重頭戲,呢部 P8 有無令大家失望目前仍然係言之尚早,不過如果我地睇返以往華為推出的 P7 、 P6 ,佢地基本上都係走「型格路線」(即係以外型為主,不一定係「得個樣」啊)所以今次的 P8 華為都花左不少功夫係外型身上。呢樣野其實從包裝盒都可以見到,從外觀以至擺位都相當特別。不過盒內有的東西不多,只有快速充電器, USB 線同埋耳機。另外版主手上的 P8 是香檳金標準版,只有 16GB 內置容量同埋 Kirin 930 。

大玩影像!HUAWEI P8 倫敦實機試玩、跑分實拍
▲ P8 的包裝盒打開之後可發現手機是直著插在盒子裡的。

大玩影像!HUAWEI P8 倫敦實機試玩、跑分實拍
▲ 除左說明書外,亦有立體聲耳機、micro USB 連接線以及快充充電器。(5V / 1A)

//timgm.eprice.com.hk/hk/mobile/img/2015-04/16/201684/lawrencelaw_3_4546_b9ab772fb2a5917d25287473ddae639d.jpg
▲ 先來一張正面 P8 照。

//timgm.eprice.com.hk/hk/mobile/img/2015-04/16/201684/lawrencelaw_3_4546_dc0d1c72fb4a835c1eb9be47738927ff.jpg
▲ 呢隻官方最終定名為皓月銀,但係發佈會的時候就叫 「 Mystic Champagne 」,即係香檳金,所以大家可以見到呢部機有時係有點金又有點銀。

//timgm.eprice.com.hk/hk/mobile/img/2015-04/16/201684/lawrencelaw_1_4546_59b088595573d43390f1c7e8c93513d0.jpg
▲ 同 P8max 不同, P8 機頂只有 3.5mm 插孔,而 USB 插口同喇叭就係機底。

//timgm.eprice.com.hk/hk/mobile/img/2015-04/16/201684/lawrencelaw_3_4546_ef20d814f5392c3787ea4c18ecc29a66.jpg
▲ 好衰唔衰,華為個雙卡係同 Micro SD 卡共用的,即係除左常用的 Nano Sim 卡槽一之外仲有一個 SD 卡同 Micro Sim 共用的卡槽 2  ,但對只有 16GB 內置容量的版主來講唔插 SD 卡真係唔夠用啊!

一體成型金屬機身大比拼!Huawei P8 vs  HTC One M9

係外型來講,華為強調佢地花左不少心機係設計 P8 身上,(個個牌子都咁講雖然)而最後就製作左以一體成型的金屬機身。提起金屬機身就當然係要講下 M9 啦!其實兩部機比起上來係有少少分別的,第一就係華為係外型上做等四四方方,機背都係平面,事前就被網友笑係 Xperia P8 (版主覺得似 Oppo R5),好處係 P8 最終只係 6.4mm 厚,比 One M9 薄得多,但同時就無左 One M9 圓潤機背的良好握感。另外華為提到係邊框上佢地都刻意打磨,所以並無刮手感覺(明顯係串緊某牌子⋯⋯),確實同 One M9 比 P8 真係無刮手感,同時都不會太易「跣手」。最後就到材質環節,雖然 P8 都係用金屬機身,但兩者感覺是不同的,可能因為加左髮絲紋關係, HTC 的機背金屬感相當重(同時個人都覺得更硬淨)而 P8 的機背就有加上磨沙效果的感覺。手感呢樣野好主觀,人人都不同,版主覺得 P8 係造工上相當不錯,但係略為不及 One M9 的。

大玩影像!HUAWEI P8 倫敦實機試玩、跑分實拍
▲ 把它拿來與 HTC One M9 相比,二機尺寸差不多。

大玩影像!HUAWEI P8 倫敦實機試玩、跑分實拍
▲ 厚度的話則是 P8 佔優勢,同埋大家可以見到 P8 係邊框上做左打磨,效果同 HTC One M7 類似。

//timgm.eprice.com.hk/hk/mobile/img/2015-04/16/201684/lawrencelaw_3_4546_ec88a31444b3d56bb3c0a10173dee200.jpg
▲ 來一張 M9 同 P8 的床照,可以見到兩者金屬的質感是不一樣的,可以話 HTC 係金屬機身上去得更盡,但為大家可以見到 P8 相機鏡頭旁邊有塑膠材質的。

再試跑分,效能有意料不到驚喜!

剛才係發佈會上大家可能都對 P8 最低只係得三萬多分相當失望,但係版主有點無聊都跑多次時發現手上拎住的 P8 竟然有驚喜!版主為 P8 再跑多次安兔兔時,第一次就已經超過五萬分。同樣地,不論是跑 Vellamo 還是 Basemark 2.0 , P8 的分數都達到一個令人滿意的程度,雖然版主都唔知當中的原因係乜,但大家都可以作為一個參考嘅。

//timgm.eprice.com.hk/hk/mobile/img/2015-04/16/201684/lawrencelaw_3_4546_4cc12fe24835235ec9730e9ec6c5fbdc.jpg
▲ 再來一次跑分,同一種的 P8 (即係標準版)都上到五萬分!呢樣真係估佢唔到。

//timgm.eprice.com.hk/hk/mobile/img/2015-04/16/201684/lawrencelaw_3_4546_4e3ab047eb9245d93998863a3ba1a190.jpg
▲ Vellamo 的分數其實都不錯,不過同早處前 S810 的 G Flex 2 相比仍然較約的。( LG G Flex 2 分數分別係HTML5 可以跑分 4,095 ,多核效能方面有 2175 分而硬件效能分數有 2153 分。)

//timgm.eprice.com.hk/hk/mobile/img/2015-04/16/201684/lawrencelaw_3_4546_1c4e5e22f19df5c4e247048b934a8912.jpg
▲ 係 Basemark 2.0 上面, P8 的成續比版主早前試玩的 P8max 仲要好,相信之後 P8max 的表現都會更加強。

 

小結:有甚麼想試,有甚麼想知?網友問版主試完答返你!

睇完 P8max 的一手試之後相信大家都明版主係衡量一部手機的優劣時會先睇價錢的。同 P8max 一樣版主暫時只知道 P8 會係 5-6 月推出,好大機會只推一個版本(但係標準版定高配版而家就未知),所以到時版主先敢再講。但單以表現來講除左內置容量得 9GB 一定不夠用但 SD 卡槽又要同 Sim 卡共用,同埋華為的 EMUI 3.1 個人覺得不好上手之外,總括來講都算是一部 OK 的手機,(不能叫好驚喜同出色,但又一定不是差)如果 P8 來到香港賣價不用四千,咁都值得考慮嘅。

在文章發佈時,Huawei P8 尚未在港開賣,按此查看手機規格。
 

華為 P8 、P8 Max 相關文章:

6.8 巨芒 + 八核心五萬跑分! HUAWEI P8max 實力試
有 4360mAh 用兩日!華為重點 P8 、P8 Max 香港確定首賣!
薄身、金屬靚機鬥 M9!華為 P8、P8 Max 實機版主上手體驗

最新新聞