華為 Honor 7 開箱!主打首部 4G 雙卡雙上網
今次版主開箱的好可惜不是全網通版本而係移動版本,以 Honor 7 來講全網通版定價較高而內置容量上都有 64GB 而移動版本只有 16GB 。不過要留意係對於香港人來講係頻段上 Honor 7 全網通版跟移動版本分別並唔算好大,主要原因係不論全網通版還是移動版都只係支援 FDD LTE 1800 (B3) 同埋 2100 (B1) 而另一條主要頻段 2600 (B7) 係唔支援的。另外店家提到原來華為手機有一個頗為特別嘅 Bug ,就係如果大家使用非移動定制版的手機同時使用香港推出的中移動 SIM 卡的話,到大陸使用時係會收不到中移動 3G 的,換句話講有機會出現 4G 直跌 2G 的情況。所以店家建議有意入手的朋友如果係經常往返大陸,同時會用係香港買入的中移動 Sim 卡的話,最好就係買移動定制版本了。雖然版主手頭上並無另外的華為手機可以試到,但大家都可以留意一下嘅。▲ 係包裝上 Honor 7 不如上次 P8 Max 豪華了。
▲ 跟機只有說明書,USB 線同一個 9V/2A 快速充電器。從機盒可見今次試玩的是銀色 16GB 移動版。
外型大細岩岩好,單手操控可做到
再講返 Honor 7 本身,係規格上可以話係 P8 的小進化版本。除左支援雙卡雙待雙通之外,屏幕方面有 5.2 吋 FHD 屏幕, 64bit 八核心麒麟 935 處理器配 3GB RAM 同埋 16GB ROM 。相機方面就有 2000 萬像素鏡頭同埋 800 萬像素鏡頭,電池就有 3100mAh 。因為本身定價不同的關係,係包裝盒方面 Honor 7 就唔夠 P8 Max 豪華啦,只有 USB 線同埋充電器,但以手機本身來講造功仍然係不錯的。係外型上, Honor 7 可以話延續 Honor 系列的風格,好似指紋感應器係機背,突出的正方形相機鏡頭置於中間等等。不過如果從美觀的角度來講個人就覺得 P8 Max 更加出色嘅,因為以 6.8 吋大芒手機來講做到 6.8mm 厚真的不容易啊。但係手感來講 Honor 7 都係有抵讚嘅地方,就係機身大小控制得宜,單手握機對一般人來講相信完全無難度,而單手操控都有可能做到。而係屏幕方面用上 FHD 解像度,表現都係一貫水準,應該唔會令大家失望嘅。▲ 5.2 吋屏幕手機來講 Honor 7 係體積方面實在做得不錯,一手可以輕易拎著。
▲ 鏡頭下方有指紋感應器。
▲ 機身左邊有 Sim 卡/ SD 卡槽外仲有多一個按鍵,但既不是開關也不是相機快捷鍵,用途之後再講。
▲ 3.5mm 插口位於機頂,可以見到其實係機頂同機底位置 Honor 7 係用左不同的材質,情況跟 MX5 很像。
▲ 係用左金屬背蓋同時可以見到華為的處理方面同 HTC 有點相似,都係金屬背蓋「包住」塑膠邊框,而 Honor 7 再係機而用上玻璃材質,同時未有刮手感覺。
▲ 雖然同樣係 5.2 吋芒但係外型上 Honor 7 明顯機細較細。另外兩者同樣係金屬背蓋但版主個人就覺得 HTC 處理得比較好了,主要原因為在機背上金屬係一體成型,不會有兩截色的情況。
處理器跟 P8 Max 同級但表現較弱,相機用上 Sony 新感光元件
係效能方面, Honor 7 用上左同 P8 Max 一樣的自家製 Kirin 935 八核心處理器配 3GB RAM ,所以理論上兩者表現應該是差不多的。不過係今次跑分裡面有點出乎意料的是不論係安兔兔還是 Vellamo 或者 Basemark 2.0 , Honor 7 的成績相比 P8 Max 都係差少少。呢方面可以話係 Honor 7 較為失色的地方了。係相機方面,今次 Honor 7 唔再用 P 系列的 1300 萬像素鏡頭,取而代之係新一代 2000 萬像素解像度 Sony IMX230 鏡頭,並以「美食模式」作為主打。時間關係版主都無機會試到美食模式的效果了,不過係試拍時有一啲大家可能想知道的細節可以分享嘅。首先就係 Honor 7 同之前 P8 一樣係會預設為 1000 萬解像度 16:9 模式的,如果想用盡 2000 萬像素的話大家要先手動調返好,另外 2000 萬像素解像度的比例為 4:3 。當用 2000 萬像素模式影相時用家會略略感覺到手機要用少少時間儲存同埋讀取相片,幸好以日拍來講表現都算不錯。
▲ 比起上次所做的 P8 Max 跑分,可以見到 Honor 7 只等 43194 分係略為低的,但實際上分別其實不會很大。
▲ 係 Vellamo 方面, Honor 7 同樣係比起 P8 Max 略為遜色。
▲ 只有 31.42 fps 呢個成績其實係有點令人失望,因為 P8 Max 都做到 40.55 呢個水準啊!
Honor 7 2000 萬像素 Sony IMX230 相機試拍:
▲ 影相前大家可以先將解像度調至 1500 或者 2000 萬像素。另外,之前提到係 Honor 7 機身左邊有個按鍵唔知有咩用,其實個按鍵叫「智能鍵」,主要用途是一按啟用華為「HiVoice」功能。
小結:硬件規格比 P8 出色,但主打功能在港發揮不到作用
到最後一部份就係講一下雙卡雙上網呢個賣點,係 Honor 7 推出時華為就提到「智能全網通」以及「雙通道下載」兩個功能。前者的「數據網絡智能切换」可以從雙卡之中自動選擇接收較佳的數據網絡,而後者就可以做到雙卡同步加速下載功能。係移動版上面雖然都用唔到呢兩項功能,不過大家要留意就係即使用到全網通版本的 Hnor 7 都好,雙通道下載係香港都係用不到的。原因係在於 Honor 7 雙通道下載的原理就係以移動/聯通的 4G 再輔以電信的 3G 來實現,不過香港都唔會用到電信的 3G 頻段,亦即係得物無所用了。但係硬件上 Honor 7 整體來講都係比 P8 更強勁,而賣價方面目前就係 $2880 ,唔知大家又會否感興趣呢?▲ 係移動版上一樣可以係 Setting 裡面做到 4G 切換,同一般雙卡手機一樣一張卡收 4G 時另一張會收 2G 。
在文章發佈時,華為 Honor 7 仍未有開賣日期及價錢,按此看詳細規格及最新賣價。
鳴謝:Lucky Digital Store 好運數碼 ( 5465-5886 )