除了 Force Touch ，華為新機 Mate S 還有甚麼賣點？
跟據之前的傳聞，大家可以見到消息所指的 Mate S 除左會有 Force Touch 之外仲會有 2000 萬像素主鏡頭同埋 4100mAh 的大電量，由此看來真的有不錯的吸引力。不過，正式發佈後的 Mate S 看來同大家所預期的有少許的落差了⋯⋯係功能上 Mate S 一樣係有 Force Touch 、高配版也有 64GB 容量，而且都有指紋辨識 2.0 功能，特色可以話相當夠，但能否滿足到大家又係另一個問題了。因為在規格方面， Mate S 只係有 5.5 吋 FHD 屏幕（不如 Mate 7 的 6 吋大芒啊），處理器都係同 P8 加強版一樣用左自家製的 Hisilicon Kirin 935 八核配 3GB RAM 。在相機方面都係有 RGBW 四色感測器的 1300 萬像素主鏡頭同埋 800 萬像素前鏡，同 P8 都係同一水平（呢部份反而無用到 Honor 7 的兩千萬像素主鏡頭）。最後係電量方面， Mate S 只係有 2700mAh 的電量，令大家讚好的 4000mAh 大電也未有出現。
最後，係開賣消息方面，目前只 Mate S 的 64GB 內置容量高配版定價為 699 歐元（約為 $6083 港幣），而 32GB 版本就係 649 歐元（約為 $5648 港幣）。兩部機都會係 9 月 15 號在西歐有預購，至於香港就暫時未知。睇完 Mate S 的規格同價錢後唔知大家又點睇呢？一齊留言講講啦！
▲ Mate S 其中一個賣點就係用大 2.5D 玻璃機面。