傳聞 Huawei 今次將會推出三個尺吋的 Mate 8，分別為 6.2 吋的 Mate 8 Plus、6 吋的 Mate 8 以及可能係 5.5 或者 5.7 吋的 Mate 8 Small。而從流出的諜照中，我地可以見到今次 Mate 8 在設計上同 Mate 7 或者 Mate S 果陣有啲改變。首先睇下佢嘅指紋辨識器部分，如果你仲有印象嘅話，以往 Mate 7 的指紋辨識器是方型的，但今次 Mate 8 將會改為圓形，唔知大家會唔會覺得靚左呢? 另外相機部分亦都是一樣，都係從方型變左做圓形，出現咁嘅變動嘅原因，可能係因為想砌番個「8」字，等人知道佢就係 Mate 8。
▲ 從諜照中，你亦可以見到 Mate 8 今次沒有採用「菊花」的標誌，就咁寫住「Huawei」。另外，機的底部會配備雙喇叭以及 USB 槽。
▲ 版主亦拎番自己部 Mate 7 俾大家比較一下，初步黎睇唔同嘅地方在於指紋辨識器以及鏡頭部分由原來的方形變成圓形，另外喇叭方面，亦從原來在機背下方的單喇叭改為在機底部的雙喇叭，相信在音響方面或會有進步。
配置方面，Mate 8 以及 Mate 8 Plus 有傳會採用 QHD 屏幕，配備自家最新的 Kirin 950 處理器，並內置 3GB / 4GB RAM，最高儲存空間達 128GB。而 Mate 8 Small 亦傳會採用 1080p 屏幕，而且儲存空間會相對較少。相機方面，Mate 8 將會採用 1600 萬像素主鏡頭。另外，3 種尺吋的 Mate 8 同樣都會預載 Android 6.0 系統。
Mate 8 好大機會將於 11 月 26 日面世，如果網上所流出的消息屬實，唔知你會唔會對 Mate 8 有興趣呢? 版主本來都好期待，但自己而家又用緊部 Mate 7，希望遲下有機會上手試玩部 Mate 8，睇下值唔值得我去換機。你地又點睇呢?
來源：GSMArena | PhoneArena