玫瑰金是 2015 下半年比較熱門的手機顏色之一，Apple 剛推出玫瑰金 iPhone 後，呢款顏色的 iPhone 大受歡迎，之後唔少廠商都效法 Apple，推出玫瑰金色手機，Huawei 亦不例外。玫瑰金色的機身為 Huawei Mate S 增添了時尚色彩，而這部 Mate S 最特別的地方，在於佢一系列嘅指紋感應以及指關節操作等觸感操作，能夠更快捷更方便咁開啟手機應用，節省不少時間。用家可以利用指紋感應做到拍照、接聽電話、拉出通知欄等功能，而指關節技術則能夠進行截屏、錄屏等操作。玫瑰金色 Huawei Mate S 建議零售價跟其他顏色一樣，都是 HK $4888，現已在百老匯、豐澤、Sound & Vision、蘇寧及衛訊分店有售。
▲ Huawei Mate S 玫瑰金版的真機圖。
▲ 背面你可以見到佢玫瑰金果種顏色，望落去個樣都唔差。
▲ 機身尺吋為 149.89 x 75.35 x 7.20 mm，重量為 156g，配合雙曲面設計，邊緣最薄僅 2.65mm。
▲ 機的背面會見到除左有 1300 萬像素鏡頭之外，仲有佢嘅指紋感應器，能夠有助快捷地做到好多功能，包括拍照、接聽電話、拉出通知欄等。
聖誕推廣活動：去 HABITŪ CAFFÈ 玩 Mate S，送限定咖啡 + 聖誕美食
咁頭先都提過 Huawei 會推出聖誕推廣活動，咁到底係咁黎呢? 原來係 Huawei 喺 The One 的 HABITŪ CAFFÈ 推出左 Huawei Mate S Rose Gold Mocha 咖啡，在 12 月 31 日之前惠顧 HABITŪ CAFFÈ 的顧客可以有機會獲得咖啡換領券一張，名額只有 6000 個，憑卷並讚好 Huawei Device HK Facebook 專頁，即可換取咖啡。另外，HABITŪ CAFFÈ 內亦設有 Mate S 體驗區，你可以一邊嘆你嘅咖啡，一邊玩下部 Mate S。飲咖啡嘅同時，只要你影低部咖啡 upload 上 Facebook 或者 Instagram，再加上 #HUAWEI #HUAWEIMateS 標籤，就可以免費享用聖誕特色美食。
