「親生仔」 Nexus 6P 大鋪最多減 $500
先講左 Google 親生仔 Nexus 6P 先，之前版主 Keith 就提過 LG 代工的 Nexus 5X 有減價，其實規格更強的 Nexus 6P 一樣有，而且減更多。以往提減價主要都係講衛訊同百老匯，但如果係 Nexus 6P 就要留意蘇寧了。版主留意到，以 Nexus 6P 來講，不論係百老匯還是衛訊，都只係平 $400 左右。不過，蘇寧就減多少少，平 $500 。 32GB 版本 Nexus 6P 價錢係 $4188 而 64GB 版本就係 $4488 。雖然減價就一定無 V10 同 Z5 Premium 咁多，但勝在係價錢上仍然平過呢兩部熱門旗艦，大家又點睇佢的性價比呢？
▲ Nexus 6P 不知是不是外型問題，好似受歡迎程度還不如 Nexus 5X 呢。
4GB RAM 魅族 Pro 5 開賣半個月多即減價
係劈價戰當中，在香港正式推出左無耐的魅族 Pro 5 都不能倖免，一樣要減價。 Pro 5 的規格大家應該都相當熟悉，呢部同 Nexus 6P 一樣有 5.7 吋大芒的旗艦最大賣點就係用上左 Samsung 自家 14nm 製程的 Exynos 7420 ，而且更有 4GB RAM 版本。係音效上都係 Pro 5 賣點之一，官方提到他們用上了 ES9018K2M 作為 PRO 5 的 DAC 以及 OPA1612 運放元件。係價錢方面，雖然 Pro 5 有減價，但不算很多。係衛訊 3GB RAM 以及 4GB RAM 版本都只係平左兩百蚊，不過從另一方面睇，Pro 5 4GB RAM 版價錢比起 LG G4 還要平多一百，都可以算係一個優勢？
▲魅族 Pro 5 係今次減價旗艦中減得最少的，但價錢都係最平。
實體 Keyboard 是重點 ， BlackBerry Priv 即減 $800！
呢部機而家看來可能係冷門之選，但係正式推出時卻係一部相當矚目的旗艦，因為 BlackBerry 終於肯作出嘗試，全面進軍 Android ，而且仲保留了實體鍵盤呢個 BB 機精髓。不過，就定價而言，即使大家都預左不會平，但要價 $6498 仍然算係一個「趕客價」，未必有咁多人捨得入手。係大鋪全線減價之下向來感覺上唔會點減價的 BlackBerry 都要劈價！價錢上 BlackBerry Priv 由 $6488 減至 $5888 ，話就話直減 $800 ，但不知為何減完好似同無減分別不太大呢～
▲ BlackBerry Priv 係開賣前吸引到不少目光，而家減 $800 又會唔會令大家有意欲入手？
入手中階、入門機都有著數？ Sony 全線亦有減
始終百貨應百客，相信仍然有不少朋友目標並非大廠旗艦而係一些中階、入門的機款。心水清的朋友或會發現，其實衛訊同百老匯兩間比較多手機款式選擇的大鋪近乎係用緊「細鋪價」去賣機，以 Asus 的 Zenfone Selfie 為例，大家都知 Zenfone 系列定價平所以好難減到價，係衛訊都一樣減 $100 ，跟深水埗細鋪分別不大。而據聞因為有 6.8 吋芒而幾受歡迎的 Phab Plus 都減左 $400 賣 $2088 。另外，上次提過 HTC 同 Samsung 全線手機都減價咁滯，其實 Sony 都係， M4 Aqua 減左 $300 落到 $1698 呢個價位而 C5 Ultra 都減左 $500 只需 $2498 ，百老匯仍然有賣的 Xperia Z3+ 亦減左 $300 賣 $3698 。同時之前都提過， LG G3 而家減左 $500 之後都係兩千五有找，所以想入手中階／入門機的朋友應不愁沒有選擇呢！
▲ 係 Z5 系列出左之後， Z3+ 近乎消失了，看來呢部受發熱問題影響的旗艦可以話係 Sony 黑歷史！
在文章發佈時， Google Nexus 6P 32GB 版本賣價為 $4188 ，按此看手機詳細規格及最新賣價。
在文章發佈時， Google Nexus 6P 64GB 版本賣價為 $4488 ，按此看手機詳細規格及最新賣價。
在文章發佈時， 魅族 32GB 版本賣價為 $3199 ，按此看手機詳細規格及最新賣價。
在文章發佈時， 魅族 64GB 版本賣價為 $3599 ，按此看手機詳細規格及最新賣價。
在文章發佈時，BlackBerry Priv 賣價為 $5888，按此看手機詳細規格及最新賣價。