Mate 8 大鋪忽然加價!4GB RAM 加強版細鋪有行貨,平勁多?

Lawrence 2016-02-05 19:14 | Huawei
如果話 Mate 7 係華為近年係香港最成功的手機,相信應該唔會有異議,話晒當時 6 吋大芒機唔多,對手都比較少。而來到 Mate 8 ,雖然感覺上氣勢不及以往,但係 4GB RAM 加強版係銷情上看來都幾唔錯,有大鋪賣到斷市。但來到今個星期,有大鋪反高潮地將 Mate 8 加價,而且原先只有大鋪先可以買到的 Mate 8 加強版,亦係深水埗細鋪出現。想知發生咩事就要睇下文啦!

//timgm.eprice.com.hk/hk/mobile/img/2016-02/05/204565/lawrencelaw_1_4546_6d25dfa7cb8e60dd58b585f97b6b2fce.jpg

反高潮! Mate 8 加強版衛訊賣價忽然回升

手機減價消息,版主都講過唔少,但加價就好似真係第一次聽。不過,近來兩部 6 吋大芒新機,係衛訊都「忽然加價」。以 Mate 8 為例,係預售期間,不論係 3GB RAM 標準版還是 4GB RAM 加強版,都做到「即減 $300」,係開賣當日版主睇過價錢都沒有變動。不過,呢個星期 Mate 8 加強版價錢就忽然回升,由本來減價後 $4280 呢個價上到 $4480 ,只係比原價平 $100 ,版主再到其他大鋪好似百老匯同豐澤問價,而兩間大鋪價錢都仲係維持係 $4280 呢個價位,沒有上升。同樣情況亦都係 Galaxy A9(2016) 出現,本來「即減 $400」賣 $3580 的 A9(2016) ,當中有粉紅色、金色以及白色版本。不過係衛訊,粉紅色版價錢會比較貴,點係減左兩百賣 $3780 。

//timgm.eprice.com.hk/hk/mobile/img/2016-02/05/204565/lawrencelaw_3_4546_a42370c083795289ed403289df2deb3a.jpg
▲ 可以見到 Mate 8 只係加強版價錢升左,但標準版就無變。

//timgm.eprice.com.hk/hk/mobile/img/2016-02/05/204565/lawrencelaw_3_4546_3f782b4200b43fae9bf9831d31f92148.jpg
▲ 減價一向唔算最積極的豐澤,Mate 8 加強版價錢都係做緊減 $300 賣 $4280。

//timgm.eprice.com.hk/hk/mobile/img/2016-02/05/204565/lawrencelaw_3_4546_5488549f2b178236bd5fd3ecfe310504.jpg
▲ Galaxy A9 都有呢個情況,價錢比起白色同金色都要貴兩百。

4GB RAM Mate 8 加強版行貨流入細鋪,有無更平?

大鋪價錢不跌反升,細鋪方面情況又如何呢?可以話相當有趣!唔知係咪因為華為唔夠貨嘅關係, Mate 8 高配版官方只係安排左係大鋪有售(百老滙、豐澤、衛訊、蘇寧及 Sound & Vision)。不過開賣不到一個星期,係深水埗版主已經見到不少貼上聯強代理貼紙的行貨 Mate 8 加強版可以買到。不過係價錢方面,其實有賣 Mate 8 加強版的細鋪,賣價一般比起大鋪 $4280 呢個價錢還要貴,實在唔值得入手。反而如果大家覺得 3GB RAM 標準版已經夠用的話,深水埗鴨寮街有細鋪只係賣 $3380 ,呢個價比原價足足平 $600 ,吸引力相信更大吧?

//timgm.eprice.com.hk/hk/mobile/img/2016-02/05/204565/lawrencelaw_3_4546_adfc7b0953f3cb16808fdb75a1930656.jpg
▲ 雖然深水埗都可以買到 Mate 8 高配版,但賣緊 $3380 的標準版就性價比而言其實更高。

在文章發佈時,華為 Mate 8 大鋪賣價為 $3680 ,按此看手機詳細規格及最新賣價
在文章發佈時,華為 Mate 8 加強版大鋪賣價為 $4280,按此看手機詳細規格及最新賣價

最新新聞