主打 4000mAh 大電，華為 Y6 Pro 用來鬥紅米 3？
從規格上看來，華為在大陸發表的 Y6 Pro 從定位以及賣點上，都可以話係紅米 3 的對手。首先我哋一齊重溫下紅米 3 的規格，外型用左金屬機身，有 5 吋 HD 芒再加 Qualcomm S616 處理器，配上 2GB RAM 以及 16GB 內置容量，相機係 1300 萬像素主鏡再加 500 萬像素前鏡。電池係一大賣點，因為有成 4100 mAh 。（版主開箱試玩可按此）
▲ 華為 Y6 Pro 係外型上實在唔算「靚仔」，而且仲有點往日 Samsung Galaxy 系列的味道。
紅米 3 規格就大概講晒，咁華為的 Y6 Pro 又如何呢？係外型上 Y6 Pro 只有金屬邊框，屏幕方面就係 5 吋 HD 解像度，而處理器就用左 MTK 的 MT6735 配 2GB RAM 以及 16GB 內置容量。（華為官網未有提到 Y6 Pro 是否支援 SD 卡）而相機就係 1300 萬像素主鏡配 500 萬像素前鏡。電池都係一大賣點，有成 4000mAh 。可以見到， Y6 Pro 同紅米 Note 3 在規格及定位上其實都好相似，都可以話係中／低階規格的手機。不過，現時華為仍未有公佈價錢上的資料，所以性價比紅米 3 還是 Y6 Pro 比較好實在難講。比較可以肯定嘅係，紅米 3 賣點之一係支援全網通，但從華為資料看來， Y6 Pro 支援的 FDD LTE 頻段並不足夠，缺少了香港常用的 2600 (band 7)，呢方面看來紅米 3 更優勝啊！
▲顏色方面有金色、白色同黑色。從華為資料看來，版主個人覺得 Y6 Pro 來港機會可能唔大呢。
來源：華為官網