5.2 吋超窄邊框,華為 P9 機身只有 6.95mm
以華為本身定位而言, P 系列就係主打外型的手機,所以來到新一代 P9 都唔例外。在外型上, P9 一樣採用金屬機身,聲稱係全球首家用了高拋光拉絲表面處理以及 5 層鍍層工藝,顏色更加有玫瑰金、灰色、白色、銀色、金色、琥珀金 6 隻色。厚度方面 P9 只有 6.95mm ,比起 7.9mm 的 Galaxy S7 以及 7.1mm 的 iPhone 6s 薄,邊框方面官方也強調只有 1.7mm ,更勝 3.07mm 的 Galaxy S7。另外,華為方面特別提到 P9 的鏡頭完全不突出,呢個都算係一個技術的展現?▲ P9 的屏幕邊框只有 1.7mm 厚,不知實機看起來會係點呢?
▲ 屏幕方面,華為旗艦不論大小,仍然堅持用 FHD 解像度。
用上 Leica 鏡頭, P9 相機有多強?
相機方面當然係 P9 的重點部份,華為係發佈會上就提到 P9 係「全球首款配置 Leica 鏡頭的雙攝像頭手機」,而且雙方聯合完成成像質量軟件調較。係規格上有雙 1200 萬像素鏡頭(規格是 SUMMARIT H 1:2.2/27 ASPH ,有 Leica 認證),感光元件是 1.25um 的 Sony IMX286 1200 萬像素感光元件,當中兩個 Pixel Senors 一個係 RGB sensor 另一個就係 monochrome sensor ,係進光量上面對比 iPhone 6s 足足多 270% 。另外對焦方面, P9 就有雷射對焦、景深對焦以及反差對焦。作為由 Leica 參與製作的相機, P9 除左有 Leica 認可的成像品質之外,亦有三個 Leica 色彩模色(Standard、Vivid同 Smooth)。屏幕方面,華為 P9 一樣係用緊 5.2 吋芒 FHD 解像度,處理器就用左自家製 16nm 製程的 2.5GHz 的 Kirin 955, 電池就有 3000mAh 而且有 USB Tupe C 以及新一代的 3D 指紋掃描器。
▲除左 SUMMARIT H 1:2.2/27 ASPH 鏡頭之外,Leica 為 P9 貢獻的還有在成像上的質素控制。
▲ 兩個感光元件一個係付責 RGB 一個係黑白色。
▲其實, P9 成部機的重點,個人覺得都只係 LEICA 呢個字樣吧⋯⋯(不然點會發佈會上硬件規格只係輕輕帶過?)
5.5 吋芒+800 萬像素 f1.9 光圈前鏡, P9 Plus 比想像中細小?
除左 5.2 吋的 P9 之外,同場仲有一部 P9 Plus 。頗為令人意外的地方係 P9 Plus 並沒有外間預計的 6 吋大芒,只得 5.5 吋,在規格上其實同 P9 差不多,好似屏幕都係得 FHD 解像度(有 401ppi) 以及 6.98mm 厚,處理器一樣係 Kirin 955 。但係功能上就有所提升,主要係屏幕、觸控、聲效、遙控、自拍以及續航力上有所提升。係觸控方面,同 Mate S 一樣, P9 Plus 支援 Press Touch Display ,有兩級壓感識別以及有 18 個原生 app 支援 POP Menu。係聲效上, P9 Plus 就加入左雙喇叭,主打還原影音立體聲。雖然主鏡頭同 P9 差不多,但係 P9 Plus 係前鏡上有更強的 f1.9 光圈 800 萬像素鏡頭。另外 P9 Plus 亦加入左紅外線遙控功能,電池都有 3400mAh 同支援 9V/2A 快速充電。
▲P9 Plus 的屏幕有 5.5 吋大,但一樣是 FHD 解像度。
▲前鏡會係 P9 Plus 的重點之一,因為有 f1.9 光圈 800 萬像素。
▲續航力強一向是華為賣點,有 3400mAh 的 P9 Plus 看來都會不錯?
最後,係價錢方面華為官方宣佈, P9 有兩個版本,分別是 3GB RAM + 32GB ROM 與4GB RAM + 64GB ROM ,價錢分別是 599 歐元以及 649 歐元(大約分別為港幣 $5283 以及 $5724)而 P9 Plus 就有 4GB RAM +64GB ROM 一個版本,價錢就係 749 歐元(大約為港幣 $6606)不知大家又點睇個價錢呢?留言講講吧!
華為 P9 於文章刊登時,香港價格未定,按這裡有更詳細規格及最新賣價。
華為 P9 Plus 於文章刊登時,香港價格未定,按這裡有更詳細規格及最新賣價。