4 月 29 抵港！華為 P9 定價會吸引嗎？
同上一代 P8 一樣，今次 P9 都係定係 4 月尾（29 號）在香港發佈，所以可以預計呢部華為 2016 重點旗艦最遲應該係 5 月就會正式開賣。（再加上之前版主都打聽過，今次雖然用上 Leica 鏡頭，但係大陸呢個首發地區，貨量相當夠）其實繼 3 月之後，年中（5-6 月)都會係另一個大量重點旗艦推出的時間。除左 P9 之外，早早發佈的小米 5 都傳係 5 月香港開賣，同時不要忘記 HTC 10 已經係台灣推出，到港都係早晚問題。不要忘記仲有只聞樓梯響的 Sony Xperia X 系列呢！今次華為 P9 雖然已經公佈左發佈日期，但係距離 4 月 29 都仲有一段時間，不知會唔會有其他大廠「打尖」呢？最後，係價錢方面， P9 其實有 32GB 以及 64GB 兩個版本，係大陸個價錢都唔算「天價」（最少比開頭歐洲公佈的價錢平），好似最貴的 64GB 高配版係大陸定價都係 3688 人仔，大約 $4418 港幣。可以估計， P9 到港定價應該同 Mate 8 差不多。唔知大家又覺得抵唔抵呢？留言講講啦！
▲近日有消息指，華為所用的 Leica 鏡頭，既不是德國出產，也不是日本出產，而係 Made in China ，不知會否影響大家入手意欲？
華為 P9 於文章發佈時，在香港發佈日期為 4 月 29 日，按這裡看手機詳細規格及最新賣價。