P9 將至，大舖、細舖相繼減價，買舊定買新好呢?
隨着 P9 抵港之日愈來愈逼近，無論係大舖抑或細舖，都已經將舊代旗艦 P8 的賣價調低。不過要注意的是，如果你而家想買 P8 的話，即使你見到大舖有部機擺住係度，掛住個牌寫住減價，但由於好多大舖 P8 已經無貨，所以就算想要都未必買到。版主去果間衛訊都仲好啲，直澄連機都唔放出來，版主直接問店員，店員表示，P8 佢地已經無賣了，仲在賣的只有 P8 Lite。但無論係百老匯、蘇寧抑或豐澤，機就有擺出黎，但你就真係要問，因為未必有貨，免得「希望愈大，失望愈大」啦! 大舖黎講，其實百老匯同豐澤個賣價都係一樣，16GB 版本為 $2880，而 64GB 版本則為 $3280。至於細舖方面，版主在深水埗高登見到，P8 高配版的賣價為 $2780，目前仲有貨，但版主注意到，好多細舖都淨係得番高配版，唔知網友會唔會入貨呢?
▲ P8 在大舖的售價，16GB 版本最平售價為 $2880，而 64GB 版本則為 $3280。
▲ 在深水埗高登見到，P8 高配版而家賣緊 $2780，比大舖平少少咁，你會買番舊代，抑或會打算等 P9 呢?
親生仔大舖偷減價，Google 限時減價又如何?
咁其實除左 P8 有平之外，Google 兩部親生仔其實都幾值得留意一下。早前 Google 官方推出左一個限時減價活動，而百老匯最近就偷偷地將 Nexus 5X (16GB) 以及 Nexus 6P (64GB) 的售價，調低至跟 Google 減價後的價錢一樣，Nexus 5X (16GB) 的最新售價為 $2298，而 Nexus 6P (64GB) 則為 $3998，想買呢兩部機的網友，可以唔洗再去 Google 度買了! 不過 Nexus 5X 同 Nexus 6P 並唔係間間百老匯都有貨，想買的話可能會有點兒麻煩。網友會唔會把握機會，買呢兩部機番去呢?
▲ Nexus 5X (16GB) 在百老匯的最新售價為 $2298，同 Google 減價後個價一樣。
▲ 而 Nexus 6P 64GB 版本則改為 3988，比起其他大舖個價，絕對係平的。
在文章發表時，華為 P8 的大舖賣價為 $2880，按這裡有詳細規格及最新賣價。
在文章發表時，華為 P8 (加強版) 的大舖賣價為 $3280，按這裡有詳細規格及最新賣價。
在文章發表時，LG Nexus 5X (16GB) 的大舖賣價為 $2298，按這裡有詳細規格及最新賣價。
在文章發表時，LG Nexus 5X (32GB) 的大舖賣價為 $2798，按這裡有詳細規格及最新賣價。
在文章發表時，華為 Nexus 6P (32GB) 的大舖賣價為 $3788，按這裡有詳細規格及最新賣價。
在文章發表時，華為 Nexus 6P (32GB) 的大舖賣價為 $3988，按這裡有詳細規格及最新賣價。