八點食飯睇直播!大芒、超強續航,華為 Mate 9 你期待嗎?

左定坤 (Cho Ting Kwan) 2016-11-03 13:30 | Huawei
曾經何時,版主又用 Mate 7,又用 Mate 8,又用 P9,身邊總有朋友仔話我係「花粉」。不過而家我想講,我無做「花粉」好耐了,但華為出新旗艦手機,版主還是會有點期待,都會特別留意一下的。尤其是,行場問過好多店員點睇部 Mate 9,個個都講到今次部機真係好勁咁,實在是勾起版主的好奇心: 到底真機有無好似佢地所講咁屈機?終於,等陣香港時間晚上 8 點,華為就會在德國發表 Mate 9,想知部機係點,就要留意發佈會直播了!

Mate 9(Facebook).jpg

Kirin 960 + 超強續航 + 快充「黑科技」,會有驚喜嗎?
雖然發佈會就未開始,不過網路上一早已經有唔少關於 Mate 9 外型、規格的傳聞流出,而家只差的是官方一個確定。早兩日版主先後為大家分享過 Mate 9 的「開箱」以及實拍照片,大概對呢部旗艦新機的外型以及拍攝效能有個初步的概念。至於配置規格,不難想像會有 5.9 吋 2K 解像度雙曲面屏幕、Kirin 960 處理器、支持四倍光學變焦的 Leica 雙相機,以及擁有強大的續航能力,並有望會用上低壓快充技術。而發佈會上除了有 Mate 9 之外,還會唔會有其他新產品呢 (發佈會 3 粒鐘,應該點都有吧)?就記得等陣同版主一齊睇直播了!

有 App Drawer!華為 Mate 9 發佈前  搶先開箱 + 真機上手!
▲ 之前有芬蘭媒體流出的開箱,相信外型方面應該十有八九是這個樣子了。

華為 Mate 9 新品發佈會
日期: 2016 年 11 月 3 日
時間: 香港時間晚上 8 時 (最新更正: 根據 Huawei International 官方顯示,發表時間為香港時間 9 點)
地點: 德國

Screen Shot 2016-11-03 at 6.51.17 PM.png
▲ 按這裡進入 Huawei International 官網看直播。

華為 Mate 9 發佈會 + 評測相關文章
八點食飯睇直播!大芒、超強續航,華為 Mate 9 你期待嗎?
CPU、GPU 完勝 S821? 華為旗艦機皇 Mate 9 賣價 + 真機上手評測!
挑戰年度最強!華為 Mate 9 完勝 LG、三星旗艦機?

華為 Mate 9 在文章發表時,將於 11 月底香港上市,按這裡有詳細規格及最新賣價

最新新聞