5.9 吋屏幕是優勢，可惜沒有 2K 芒
提到 LG、三星旗艦，不難想像是講緊 V20 以及 Note7 啦！不過，Note7 因為連環爆炸而停左產，成為了一部「不存在」的手機，所以版主都唔會搵佢黎比較，要比的話，就比番 S7 Edge 啦！先由外型方面比較，版主個人覺得，三部機當中，Mate 9 只能排第二，講到設計最好，依然係三星 S7 Edge。不過，主觀感受唔講太多，都係客觀啲比較下啦！三部機當中，就以 S7 Edge 用上真曲面屏幕，而 V20 以及 Mate 9，都是蓋上了 2.5D 玻璃。最欣賞 Mate 9 的，是它的 5.9 吋屏幕，用來睇片、打機，應該相當不錯，但可惜就只有 1080p，而 V20、S7 Edge 雖然芒係細左少少，但就有 2K 芒。大芒以及高屏幕解像度相比，網友又覺得邊個重要啲呢？
▲ 同 S7 Edge 以及 V20 相比，Mate 8 沒有 2K 芒，得 1080p，但屏幕尺寸相對最大，有 5.9 吋，如果大芒同高解像度俾你揀，你會點揀？
Mate 9 大電王，整體規格完勝 S7 Edge、V20?
有留意剛才發佈會都知道，Mate 9 用上了 Kirin 960 處理器，講到好似好勁咁，又話 CPU、GPU 勁過 S821 手機，咁配備 S820 的 S7 Edge 以及 V20，就肯定會被比下去。先勿論係真還是假，Mate 9 相比 S7 Edge 以及 V20 有一個優勢，就是有 4000mAh 大電，相比其餘兩部手機，有更多的電量。三部手機都是內置 4GB RAM，不過 S7 Edge 香港版本只有 32GB，而 V20 同 Mate 9 都有 64GB，有更大的儲存容量，點都會好啲。另外，相機方面，Mate 9 跟 V20 都同樣有雙鏡頭，而在三部機當中，Mate 9 亦擁有最高的像素，可惜的是光圈只有 F2.2，相比 V20 以及 S7 Edge 都要細。不過，如果單從 specs 上看來，似乎 Mate 9 整體上看都比 S7 Edge、V20 更強大。網友對於呢部 Mate 9 又點睇呢？
ePrice.HK 比拼系統，比較 Mate 9、S7 Edge、V20 三機之不同
▲ 為左俾大家更清楚地比較，以上三部機之間規格上的不同，版主利用了 ePrice.HK 手機比拼系統，讓大家可以一目了然。按上圖或按這裡，進入比拼系統。
華為 Mate 9 發佈會 + 評測相關文章
八點食飯睇直播！大芒、超強續航，華為 Mate 9 你期待嗎？
CPU、GPU 完勝 S821? 華為旗艦機皇 Mate 9 賣價 + 真機上手評測！
挑戰年度最強！華為 Mate 9 完勝 LG、三星旗艦機？
華為 Mate 9 在文章發表時，將於 11 月底香港上市，按這裡有詳細規格及最新賣價。
LG V20 在文章發表時，賣價為 $5598，按這裡有詳細規格及最新賣價。
Samsung Galaxy S7 Edge 在文章發表時，賣價為 $4998，按這裡有詳細規格及最新賣價。