主題:三星 / 華碩都要行埋一邊!S625 行貨手機挑戰最平價!

ePrice HK
  • 發表時間:2016-12-19 18:21 收錄檢舉
    近排版主講得最多的手機場情,大部份都係旗艦手機,反而中階手機就講得比較少。對於有興趣了解多啲中階手機的網友,版主實在要在此說聲唔好意思!提到抵玩、性價比高的中階手機,版主第一時間會諗起 Samsung Galaxy C7 以及 ASUS ZenFone 3,兩款手機同樣都用上 S625 處理器,在續航、溫度控制方面,表現相當不錯。不過臨近年尾,有另一款 S625 手機現身,要挑戰最平價。到底佢嘅出現,能唔能夠讓三星 / 華碩都企埋一邊呢?睇下文啦!

    三星 / 華碩都要行埋一邊!S625 行貨手機挑戰最平價!

    超高性價比,三星 C7 三千有找好抵玩?
    先由 Samsung Galaxy C7 開始說起,以中階手機來說,C7 可謂是出盡風頭,有 5.7 吋大芒,內置 4GB RAM 以及 64GB ROM,就咁睇規格,已非市面上一般中階手機能夠相提並論。正因為咁高性價比,而且外型又似 iPhone,仲要有 NFC,所以去到年尾,都依然相當受歡迎。再加上其 S625 處理器,令續航能力成了 C7 的一大武器。C7 大舖賣緊 $3198,而細舖則平多 $200,賣 $2998。呢個價錢有咁嘅規格,又確係幾抵玩嘅。

    三星 / 華碩都要行埋一邊!S625 行貨手機挑戰最平價!
    ▲ C7 大舖賣緊 $3198,而細舖就平多 $200,即 $2998。

    是最平價 S625 手機嗎?ASUS ZenFone 3 你又點睇?
    目前用上 S625 處理器的手機,其實並不多,除左三星 C7 之外,最容易會令人聯想到的,應該會是 ASUS 的 ZenFone 3 手機。老老實實,以往 ASUS 手機給人的印象,並不算是太好,包括版主自己都係咁覺得。當然,站在我的立場來說,最不堪的應該是 ASUS 手機的設計,實在太不合時宜。然而,到了 ZenFone 3 呢代之後,實在令版主開始改觀,至少版主都會願意,用上這部手機一段時間。不過咁,ZenFone 3 的缺點,始終都是太多 Bloatware 以及沒有 NFC。ZenFone 3 有 5.2 吋以及 5.5 吋兩個版本,前者有 3GB RAM + 32GB ROM,大舖賣價為 $2299,而後者則有 4GB RAM + 64GB ROM,賣價為 $2699,相比 C7 還要便宜。你又會唔會選擇呢?

    三星 / 華碩都要行埋一邊!S625 行貨手機挑戰最平價!
    ▲ 至於 ZenFone 3 5.5 吋就賣緊 $2699, 而細芒版 5.2 吋的,則算是最平的 S625 手機,但就只有 3GB RAM + 32GB ROM。

    三星、華碩都要行埋一邊?華為 Nova Plus 挑戰高性價比!
    從價錢上來看,5.2 吋的 ASUS ZenFone 3 確實係最平價 S625 手機,不過如果睇埋規格計性價比,就似乎是另有其「機」。講緊嘅係在上月尾發表的 Nova Plus,採用了 5.5 吋屏幕,同樣配備 4GB RAM + 64GB ROM,而且採用了 1600 萬像素 + 800 萬像素相機組合,在影相方面表現不錯。Nova Plus 大舖賣緊 $3080,沒有即減優惠,不過在 CMHK 只需 $2680 就可以購得,相比 ZenFone 3 5.5 吋還要便宜。配合華為的品牌形象,相信 Nova Plus 應該可以稱上性價比最高的 S625 手機吧?網友又點睇呢?

    三星 / 華碩都要行埋一邊!S625 行貨手機挑戰最平價!
    ▲ Huawei Nova Plus 在 CMHK 只喺賣緊 $2680,會是性價比最高的 S625 手機嗎?

    Samsung Galaxy C7 在文章發表時,大舖賣價為 $3198,按這裡有詳細規格及最新賣價
    ASUS ZenFone 3 (5.5 吋) 在文章發表時,大舖賣價為 $2699,按這裡有詳細規格及最新賣價
    華為 Nova Plus 在文章發表時,大舖賣價為 $3080,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁