華為 Mate 9 深水埗細舖終於肯減，減多 $200 受唔受？
如 intro 所言，Mate 9 賣價一直企硬，大舖一蚊都唔肯減，$4780 呢個價錢，實在是太過昂貴了。至於深水埗細舖，之前曾經講過，佢哋緊貼大舖價，標價一直都係 $4780，不過來到今個星期，終於見到佢肯減了，減幅並不算太多，平多兩百賣 $4580，你又點睇呢？
▲ 你睇下，大舖去到而家，都仲係企硬一蚊都唔減，賣 $4780，華為個名係咪真係值咁貴呢？
水貨最平四千有找，呢個價係咪吸引？
如果嫌行貨太貴，有些網友可能會考慮朝水貨入手，但係呢，如果講國內水貨，其實都唔平，同樣 64GB 來說，水貨甚至比起而家的細舖行貨還要貴。呢個時候，日版 Mate 9 悄悄登陸旺角先達店舖，只需 $3980 就可以入手，有金、銀兩種顏色，同樣支援香港 1800 + 2600 4G LTE 頻段，呢個價錢買到 Mate 9，就算係日版，應該都幾吸引吧？網友又會唔會考慮敗呢？
▲ 嫌大舖死唔肯減，細舖又一樣咁貴，水貨又唔知你會唔會考慮呢？
華為 Mate 9 在文章發表時，大舖賣價為 $4780，按這裡有詳細規格及最新賣價。
鳴謝及查詢：三禾電氣 23740618 （旺角） 23740718 （銅鑼灣）