平玩 Leica 相機!華為旗艦清貨減價 係咪抵玩?
|
Huawei
版主覺得,目前最抵玩的,係佢?
華為手機賣價一向企得好硬,特別是旗艦機種 Mate 系列同 P 系列,真係想佢減價,都唔係一件容易的事。但與此同時,現時版主覺得,最抵玩、最值得入手的手機,卻偏偏係出自華為,佢就係舊代 Mate 8,大舖 32GB 賣到 $2980 呢個價位,其實真係無得輸,係我近年最推介的高性價比手機。至於最新的 Mate 9,網友講得好啱,其實 $4780 邊度貴?一啲都唔貴,只不過係大舖唔肯減的情況下,總係覺得應該仲可以再平啲罷了。
▲ Mate 8 $2980 呢個價錢,確實係 win 哂現時旗艦機 (版主個人覺得)。
Leica 相機平價玩!華為 P9 清貨減價迎 P10?
但係呢,版主今次呢篇文章,重點唔係講 Mate 系列旗艦,而係用上 Leica 鏡頭的 P9 系列。無錯係呀,大舖其實都係企硬唔減,P9 32GB 賣緊 $3680,64GB 版本則賣 $4280,想平啲入手的話,一定係考慮細舖。32GB 以及 64GB 版本細舖賣價一直都企硬 $3380 以及 $3880,不過去到今個星期,可能係知道,P10 發表之日愈來愈近,所以終於都肯減價了。32GB 減得無咁多,減多 $100 賣 $3280,而 64GB 則減 $200,賣 $3680。呢個價錢,網友會唔會考慮呢?
▲ P9 一直大舖細舖都無企硬唔減,不過而家細舖終於開始肯減,你會唔會考慮?至於相對大芒的 P9 Plus,目前大細舖價錢都無變過,大舖賣緊 $4680,而細舖則為 $4180。
華為 Mate 8 (32GB) 在文章發表時,大舖賣價為 $2980,按這裡有詳細規格及最新賣價。
華為 P9 (標準版) 在文章發表時,大舖賣價為 $3680,按這裡有詳細規格及最新賣價。
華為 P9 (加強版) 在文章發表時,大舖賣價為 $4280,按這裡有詳細規格及最新賣價。
華為 P9 Plus 在文章發表時,大舖賣價為 $4680,按這裡有詳細規格及最新賣價。