HTC U Play 今日上市！賣價不變，細舖平兩舊？
咁首先版主都同網友交代一下，HTC U Play 開賣首日，價錢上有無乜嘢變動啦！答案係無嘅，同版主之前講過嘅一樣，U Play 無論係大舖抑或網絡商，都係做緊「即減 $200」，亦即係 $3298，呢個價錢實在不能叫做便宜。想平少少入手，深水埗細舖幫到你， 但都幫唔得幾多，平多 $200 左右賣 $3080，除左外型靚、手感好，似乎就無乜嘢太大的特別之處，相近配置、同樣用上 MTK Helio P10 處理器的魅族 M5 Note，又會唔會相對抵玩啲呢？
▲ U Play 大舖價暫時未有變，都係「即減 $200」賣 $3298 (豐澤暫未有減價）。
華為 Mate S 大舖原價直減 $2300，平過細舖、水貨，更值得入手？
講緊嘅係華為 Mate S。其實呢部 Mate S，版主已經幾乎忘記了佢嘅存在，佢係 2015 年 10 月上市的產物，衛訊都已經好耐無見過佢嘅蹤影，仲以為已經落哂架，但其實豐澤一直都仲有。最近豐澤推出了「揭底價」優惠，先勾起版主對 Mate S 的回憶，Mate S 豐澤賣到 $2588，相比原價便宜 $2300 之多，呢個價錢比起細舖價、水貨價還要平 (細舖行貨約 $3400 左右，而水貨價則約 $2900)，唔知網友又覺得，呢部 Mate S 會唔會比 U Play 更值得入手呢？
▲ 華為 Mate S 豐澤「揭底價」，$2588 係咪已經秒殺左 U Play 呢？
HTC U Play 在文章發表時，大舖賣價為 $3298，按這裡有詳細規格及最新賣價。
華為 Mate S 在文章發表時，大舖賣價為 $2588，按這裡有詳細規格及最新賣價。