未到底線! 華為 Mate 8 新低價,抵唔抵買?
老老實實,Mate 8 在大舖的賣價,已經是相當便宜,不過平嘅只係講緊 32GB 版本,做緊「即減 $1000」,最新賣價為 $2980,呢個價錢,真係好難搵到更抵玩,就算係深水埗細舖,都係同大舖同價,以為已經到左 Mate 8 的底價啦,點知蘇寧又推出左限時「秒殺星期三」優惠,抵玩嘅手機唔多,係 Mate 8 就好少少,相比大舖細舖平多一百蚊左右,賣 $2880。個人覺得就好抵玩,你又受唔受呢?▲ 其實唔係平好多,但在大舖同細舖都同價,以為已經到左底線的情況下,減多 $100 已經係個突破。但無論點都好,無可否認呢個價係便宜的。如果想平價入手 64GB 高配版,亦都可以在蘇寧門市購買,問過仲有,$3380 又算唔算抵呢?
▲ 除左 Mate 8,蘇寧網店仲清緊周圍都差不多絕跡的 M9 以及 M9+,前者賣 $2598,後者賣 $2998,但感覺上,還是 Mate 8 比較抵玩。
5.7 吋大芒旗艦一減再減!
講緊嘅係 HTC 今年最新推出的 U Ultra,不單止有 5.7 吋大芒,機背 3D 水漾曲面設計又夠靚,而且雖然無 S835 處理器,但有 S821 都叫係好唔錯,建議零售價以旗艦機來說,亦係幾合理,但大舖價減得果 $200,又似乎少左啲。之前講過,U Ultra 細舖開賣五日已經跌穿五千,賣 $4998,話口未完,好快 U Ultra 細舖又再有減,最新賣價 $4798,又跌穿網友心理關口未呢?鍾意佢個款但又嫌太貴,亦可以考慮細芒版的 U Play,大舖賣價為 $3298,而細舖則約 $2998,你又 help 唔 help 得落呢?▲ HTC U Ultra 大舖減得果 $200,賣 $5498。但細舖已經一減再減,今日最新賣價為 $4798。
▲ 鍾意 U Ultra 外型但又唔想咁貴,可以考慮比較細芒 + 低階的 U Play,大舖 + 零售商賣緊 $3298,而細舖則跌穿 $3000 賣 $2998。如果平時唔打機,呢部其實手感都相當唔錯。你又點睇呢?
ePrice.HK 系統比較 Mate 8、U Ultra、U Play 配置規格的分別:
▲ 按上圖或按這裡,比較一下 HTC U Play、U Ultra 以及華為 Mate 8 的分別。
HUAWEI Mate 8 (標準版) 在文章發表時,大舖賣價為 $2980,按這裡有詳細規格及最新賣價。
HUAWEI Mate 8 (高配版) 在文章發表時,大舖賣價為 $3380,按這裡有詳細規格及最新賣價。
HTC U Ultra 在文章發表時,大舖賣價為 $5498,按這裡有詳細規格及最新賣價。
HTC U Play 在文章發表時,大舖賣價為 $3298,按這裡有詳細規格及最新賣價。