顏色多選擇,影相有「奶味」?華為 P10 / P10 Plus 香港發表日確定

左定坤 (Cho Ting Kwan) 2017-03-07 20:11 | Huawei
大陸品牌來說,版主獨愛華為與魅族,可能其品牌形象未必能夠比得上三星、蘋果等,不過版主用過咁多唔同的大陸機,認真係得呢兩個廠商的手機,係無投訴的。雖然版主今日同大家講嘅小米 Note7......呀唔係,係小米 Note 2,外型上都係幾吸引,而且硬件規格亦睇落幾唔錯,但如果賣到呢個價錢,有唔少網友表示,寧願買華為好過。之前版主提過,隨着 P10 開賣之日愈來愈接近,現有的 P9 系列都減價不少,已經落到算係抵玩的價位,咁問題係,新一代的 P10 又會幾時正式抵港呢?想知,睇下文啦!

P10(Facebook).jpg

剛剛收到來自華為的邀請函,表示華為將會在 3 月 28 日,正式在香港發表新一代的 P10 以及 P10 Plus。至於 P10 同 P10 Plus 會賣幾錢,版主暫時都未有消息,一有消息會第一時間話俾大家知。無論係 P9 還是 P10,版主覺得最吸引的,都係佢個 Leica 鏡頭,特別係影黑白相果陣,真係可以影到果種「奶味」,而今次 P10 上的 Leica 鏡仲要係 2.0 版本,升級左,又係咪真係靚左好多呢?按呢度可以重溫一下 P10 的實拍照

除左用上 Leica 鏡頭,華為 P10 系列今次在配色上都挺吸引,有 6 種顏色任君選擇,包括金、黑、銀、玫瑰金、藍、綠,你又鍾意邊種顏色多啲呢?香港開賣係咪六色戰隊都齊哂呢?價錢方面又賣得貴唔貴?就要 Mark 低日子,留意版主到時為大家的即場分享。

sd04-bg.jpg
▲ 版主個人幾鍾意呢隻藍色,你又鍾唔鍾意呢?

Huawei P10 在文章發表時,香港上市日期未定,按這裡有詳細規格及最新賣價
Huawei P10 Plus (4GB / 64GB) 在文章發表時,香港上市日期未定,按這裡有詳細規格及最新賣價
Huawei P10 Plus (6GB / 128GB) 在文章發表時,香港上市日期未定,按這裡有詳細規格及最新賣價

最新新聞