華為 P10 / P10 Plus 價已知,呢個價合唔合理?
華為 P10 / P10 Plus 將於明日正式在香港發表,不過大舖已經早就接受預訂。從大舖店員的口中,已經得知 P10 / P10 Plus 的建議零售價,P10 將會賣 $4480,而 P10 Plus 將會賣 $5680,這個價錢來說,便宜就一定不是便宜,但你又覺得合唔合理?至於會唔會有一出即減,版主覺得以華為近年的作風嚟講,應該就無得減。▲ 華為 P10 賣 $4480, P10 Plus 賣 $5680,呢個價是否合理?兩部機相差 $1200,有無分別?睇埋落去就知道。
未開賣,Sony Xperia XZs 再現新低價鬥華為,會否考慮?
與此同時,版主亦發現 Sony Xperia XZs 未開賣已經再次出現新低價。仲記得早排版主同大家提到,Sony Xperia XZs 大舖有即減 $300,最新賣價為 $4998。嫌 Xperia XZs 呢個價未夠平,有心想入手 Sony 新旗艦的網友要注意了,在飛天流動預訂,可以更抵玩!只要你一次性付款,無論係俾現金還是卡,都可以再平多 $200,即係 $4798。呢個價錢,會唔會增加 XZs 的吸引力呢?值得一提的是,飛天流動買機都會有爆芒保險,而在月初的時候亦已經升級左,凡購買手機滿 $1300 (都好難唔過),加 $198 就可以升級 12 個月爆屏保障,維修、更換螢幕或 LCD 顯示屏保償費用最高可獲港幣$1,500。
▲ 標出嚟其實都係寫住 $4998,不過如果在預訂期間一次性付款,可以額外減多 $200,即 $4798,呢個價你又點睇呢?
華為 P10 同 P10 Plus 有乜分別?相比上代又有乜升級?ePrice 比拼系統話你知!
▲ 按上圖或按這裡,可了解華為 P10 同 P10 Plus 的分別,睇下點解會相差 $1200 之多。另外,亦附上上代 P9 系列的規格比較,再加埋 Sony Xperia XZs,呢幾部機你又會點揀?