Leica 鏡頭手機清貨!華為 P 系、Mate 系旗艦新低價,網友要敗?
|
Huawei
華為 P10 系列賣價暫時仲係企硬唔減,不過舊代的 P9 系列則愈減愈便宜。今次講嘅係豐澤,據悉而家 P9 存貨唔多,所以希望可以減幾舊清埋啲貨尾佢,當中 P9 (32GB) 豐澤雖然仲係標價 $3880,不過版主問過,仲有得減六舊,$3280 就可以買到 (版主所問分店只剩下灰色)。至於 64GB 版本的 P9,最新賣價則為 $3680,同 32GB 相差四舊水,如果真係要買,應該都會選擇 64GB 吧?
咁大芒的 P9 Plus 又如何呢?豐澤方面睇過好多間分店,都賣成 $4480,所以如果想入手 P9 Plus,最平嘅應該都係衛訊,但個價就暫時未有變動,現時賣價都係 $3980。至於同樣配備 Leica 鏡頭的 Mate 系列,暫時黎睇應該係去中國聯通出機最抵,Mate 9 $4100 就買到,而 Mate 9 Pro 都只需 $5580,但首要條件係要有上海商業銀行信用卡。不過呢點不成問題,有好多人都係為左優惠而開信用卡,你又會唔會考慮呢?
▲ P9 (64GB) 現時豐澤賣價為 $3680,而標準版 32GB 版本雖然無寫有減價,但店員表示而家賣 $3280。
▲ 留意下衛訊,P9 個賣價唔夠豐澤低,不過如果要買 P9 Plus,就一定衛訊係首選。
▲ 如果要買 Mate 系列手機,暫時則係中國聯通最抵,但需要上海商業銀行信用卡。
華為 P9 (32GB) 在文章發表時,大舖賣價為 $3280,按這裡有詳細規格及最新賣價。
華為 P9 (64GB) 在文章發表時,大舖賣價為 $3680,按這裡有詳細規格及最新賣價。
華為 P9 Plus 在文章發表時,大舖賣價為 $3980,按這裡有詳細規格及最新賣價。