大芒旗艦 有新低價!四千唔使 4GB + 雙鏡頭,網友會入手?

左定坤 (Cho Ting Kwan) 2017-08-08 18:22 | Huawei
又要大芒,又要旗艦級數,版主腦海第一個浮現的,一定是這部手機: 5.9 吋大芒、有四千大電、配雙鏡頭、內置 4GB RAM + 64GB ROM,講到這裡,相信大部份熟悉手機的網友,都應該估到版主諗緊邊部。無錯就是華為 Mate 9,放在以前,5.9 吋版主也許會用巨芒來形容,但隨着今時今日手機屏幕愈出愈大,就連三星 S8 最基本的都有 5.8 吋芒,5.9 吋相較之下,其實不過是小兒科。不過,相比 S8 賣五六千蚊,如果而家 Mate 9 四千唔使就可以入手,網友又會否考慮呢?睇下文啦!

場料(Facebook).jpg

華為旗艦手機,曾經有段時間都在香港 Hit 過,特別是由 P9 系列開始,第一次推出 Leica 認証鏡頭,影出來的相片合大眾口味,令到好多人其後都對這機感興趣。去到  Mate 9,都係用上 Leica 鏡頭,不過無乜太大特別的賣點加持,大眾對 Mate 9 的熱誠開始慢慢減退,但那時並不算明顯。真正影響到華為旗艦吸引力的,應該是 P10 的「溝 ROM 事件」,報導一出惹來不少網友大力批評,然後慢慢華為的公信力,就一落千丈。

起初 Mate 9 都想好似三星等大廠般,企到硬一硬,一蚊都唔減,但似乎華為在香港佔不了便宜,唯一可以做的,就是將現有旗艦減價,當中 Mate 9 衛訊最新賣價為 $3980,跌穿了四千關口,而較昂貴的 Mate 9 Pro,亦都跌至 $5580。不過個人覺得,Mate 9 呢個價錢還是值得考慮的,但 Mate 9 Pro 成五千幾蚊,還有很多可選擇的手機,並不必用這個價錢買 Mate 9 Pro。網友又會否考慮入手呢?

20641583_10155526759179174_621202978_o.jpg

華為 Mate 9 在文章發表時,大舖賣價為 $3980,按這裡有詳細規格及最新賣價
華為 Mate 9 Pro 在文章發表時,大舖賣價為 $5580,按這裡有詳細規格及最新賣價

最新新聞