劈價迎 Mate 10!三千中入手舊旗艦,買舊定買新?
說的是華為 Mate 9,雖然大舖賣價暫時尚未有變動,依然是維持 $3980 的價位,但旺角先達水貨已跌至約 $3480,相比大舖行貨價還要便宜 $500,等唔等 Mate 10,入唔入手現有 Mate 9,就由網友決定。如果係版主的話,呢個價錢我是可以接受的,始終佢係 Mate 系旗艦,而不是 P 系旗艦,質素上還是相對有保證的,加上有 5.9 吋 1080p 大芒 + 4000mAh 大電,內置 4GB RAM 以及 64GB ROM,再配合埋 Leica 雙鏡頭,無論用來睇片抑或是用來影相,表現都算是很不錯。三千有找買到 6GB Mate 9 Pro,係咪真係入得過?
至於 6GB 的 Mate 9 Pro,大舖暫時維持住 $4980 的價位,未見出現變動,不過中國聯通就在這個時候推出了 Mate 9 Pro 買機上台優惠:機價 $5580,雖然係比大舖還要貴,但如果上台 $188 的本地 4G 2.5GB 月費計劃,並簽約 24 個月,就可以每月回贈 $110。扣除優惠之後,即 $2940 就可以入手 Mate 9 Pro,三千有找,又諗唔諗得過呢?出機價 | 本地 4G 月費計劃 2.5GB | 每月回贈 | 扣除回贈後機價 | |
Mate 9 Pro | $5580 | $188 | $110 | $2940 |
華為 Mate 9 在文章發表時,大舖賣價為 $3980,按這裡有詳細規格及最新賣價。
華為 Mate 9 Pro 在文章發表時,大舖賣價為 $4980,按這裡有詳細規格及最新賣價。