就在剛剛，衛訊就在其 Facebook 專頁出咗個 post，表示推出咗個限時優惠，將華為 Mate 10 減價喎！由即日起至 2 月 22 日，網友可以去任何一間衛訊分店，用 $3999 呢個限時優惠價，買到華為 Mate 10！版主問過，現有仲賣緊的 Mate 9，都仲係未有減價，依然賣緊 $3980 呢個價位。可見，如果 Mate 9 再唔減價的話，網友識揀，一定會揀現時最新的 Mate 10。
版主個人呢，其實一直都覺得，華為 Mate 系旗艦係幾值得買嘅，撇除鍾唔鍾意大陸機呢啲咁主觀嘅嘢之外，其實 Mate 10 又有大電，又有 Leica 認證鏡頭，影相又唔差，自己用過，一直覺得很不錯。對我黎講缺點是，Mate 10 用 16:9 芒，雖然係「真大芒」，但如果手細真係唔容易一手掌握。然而，整體使用體驗還是可以接受的。跌到 $3999 呢個價，你肯入手未呢？
華為 Mate 10 在文章發表時，衛訊限時優惠價為 $3999，按這裡有詳細規格及最新賣價。