可能得知而家大部份買華為的，都會投入 P20 Pro 的懷抱，現有 Mate 10 Pro 再唔減價，都好難清貨，所以大舖終於決定將 Mate 10 Pro 減價。減幾多，睇下文啦！
今個星期起，華為 Mate 10 Pro 的大舖價格作出了調整，由原來的 $6380 減多咗 $500，最新賣價為 $5880。呢個價，跌穿咗網友心理關口未呢? 老實說，呢個價減完之後都仲係幾貴下，我會覺得就算減完都不會感興趣，不過如果真係想買 Mate 10 Pro 的網友，細舖又會否考慮呢？版主行場時發現，有先達店舖將 Mate 10 Pro 行貨，減價至 $5100，相比原價劈價 $1280，呢個價你又點睇呢？
同現時最新的 P20 Pro 相比，其實規格上兩者就差不多，都是配備了 Kirin 970 處理器，內置 6GB RAM 以及 128GB ROM，而相信最明顯、亦都最大的差距是，P20 Pro 比 Mate 10 Pro 有多一個鏡頭，是一部「三鏡頭」的相機，配合 4000 萬像素以及 1/1.7 吋 CMOS，P20 Pro 的夜拍能力跟 Mate 10 Pro 可以說完全沒有可比性。但當然，P20 Pro 的賣價都比起 Mate 10 Pro 貴千幾蚊，在這個價錢的差距下，你又會點抉擇呢？
▲ 按這裡可到 ePrice.HK 手機比拼系統，比較 Mate 10 Pro 與 P20 Pro 的分別。
華為 Mate 10 Pro 在文章發表時，大舖賣價為 $5880，按這裡有詳細規格及最新賣價。