屏下指紋 + 無線充電!集最強配置於一身,華為 Mate RS 天價抵港

左定坤 (Cho Ting Kwan) 2018-05-11 13:15 | Huawei
版主早排對華為推出的三鏡頭手機 P20 Pro 很感興趣,最主要係影相夠勁,就算我本身影相唔算好叻,都可以輕易影到好似好靚嘅相,這點相信是好多網友所追求的,放上 Facebook 呃下 Like 都好吖。不過,無可否認賣價上又貴咗少少,版主我就話有媒體機,所以會好樂意用,但如果要我自己拎錢出嚟買,可能都要諗過。而事實上,雖然 P20 Pro 係好吸引,但其實仲有一部華為旗艦,更加吸引 —— Mate RS,具所有最強配置於一身,又有屏下指紋 + 無線充電,可惜呢部版主都唔會有得用。香港版幾時會出,又賣幾錢?版主搶先話你知!

Mate RS(Facebook).jpg

版主收到風,華為 Mate RS 的香港建議零售價將會是 $12888,預計在 5 月中正式有售 (如無意外應是 15/5),呢個價對比上代的 Mate 10 Porsche Design 開價還要貴 $1000,你又點睇呢?不過,買得起 Porsche Design,十有八九都係土豪級別,一千幾百猶如垃圾,富貴於我如浮雲,差果 $1000 濕濕碎啦,你話係唔係先?

真旗艦,上手玩!華為 Porsche Design Mate RS 紅色好搶眼!

華為 Mate RS 的命名,是根據經典車系 Porsche 911 GT3 RS 而成,採用了 6 吋曲面 OLED 屏幕,加上 8-edge 3D 曲面玻璃機身,設計靈感來自 Porsche 911 跑車。跟 P20 / P20 Pro 一樣,Mate RS 配備了 Kirin 970 處理器,內置 6GB RAM 以及 256GB ROM,並具有如 P20 Pro 般的三鏡頭設計,鏡頭設於機背中央部份,並且支持後置指紋辨識。除咗有後置指紋辨識,Mate RS 同時支持屏下指紋,具有 IP67 防塵防水,並支持無線充電功能,可謂集現時最強配置於一身,開到呢個價,以特別版來說應該都算是合理價吧?

華為 Mate RS 在文章發表時,建議零售價為 $12888,按這裡有詳細規格及最新賣價

最新新聞