華為手機新低價，S425 手機最平 $1000 買到
今個星期開始，華為 Y6 Pro 2017 出現了新低價，由原來的 $1280，減價至 $1028，雖然只係減得 $252，但別忘記原本個賣價都唔高，減 $252 其實計起上黎都有八折，減幅算是不錯了。不過，Y6 Pro 之所以賣咁平，主要原因係佢個定位設於入門級別，採用了 5 吋 720p 芒，配備 Qualcomm S425 四核心處理器，內置 2GB RAM 以及 16GB ROM，並支持 microSD 擴充。主相機為 1300 萬像素鏡頭，而前置鏡頭則有 500 萬像素，電量為 3020mAh。論規格，確實係較為低階，然而呢個價位，你又不會預計能夠打到機嘅情況下，其實呢部 Y6 Pro 2017 都好夠用。
如果嫌 Y6 Pro 2017 得 2GB RAM + 16GB ROM 唔夠用，上個月推出的 Y6 Prime (2018)，都可以係你嘅選擇，除咗芒大啲有 5.7 吋之外，同樣配備 S425 處理器不過有 3GB RAM + 32GB ROM，前置相機亦升級至 800 萬像素。大舖暫時未有減價，建議零售價為 $1480，呢部或者都可以諗諗佢。不知網友又是否認同呢？
紅米 6 最平 $1000 有找，性價比高但用 MTK U
唔認同唔緊要，都係大家一齊研究下啫。咁差不多價位之中，又有咩手機選擇呢？要數嘅，最接近相信應該是紅米 6，標準版只需 $999，有 3GB RAM + 32GB ROM，而且仲有 1200 萬 + 500 萬像素雙鏡頭，以千元機嚟講呢部紅米 6 都算係有特色。但可惜，紅米 6 衰在用 MTK U，網友們未必能夠輕易接受。另外，紅米 6 亦有 4GB + 64GB 的版本，賣價則為 $1299。
差不多配置，差不多價位，Nokia、SUGAR 又有無得諗?
其實差不多價位還有 Nokia 5、SUGAR Y12 等等，前者用 S430 處理器，但同 Y6 Pro 2017 一樣只有 2GB RAM + 16GB ROM，賣價為 $1388；而後者的 SUGAR Y12 配置就稍為跟 Y6 Prime (2018) 接近，一樣是 S425 處理器 + 3GB RAM + 32GB，主相機雖然有雙鏡頭，但得 800 萬像素 + 200 萬像素，又似乎爭咁啲，而前置鏡頭亦不過是 500 萬像素，賣價則為 $1298。
以上介紹的，都是一千蚊頭嘅手機，唔知呢幾部手機之中，你又會點樣選擇呢？
華為 Y6 Pro 2017 在文章發表時，大舖賣價為 $1028，按這裡有詳細規格及最新賣價。
華為 Y6 Prime 2018 在文章發表時，大舖賣價為 $1480，按這裡有詳細規格及最新賣價。
紅米 6 (3GB + 32GB) 在文章發表時，建議零售價為 $999，按這裡有詳細規格及最新賣價。
紅米 6 (4GB + 64GB) 在文章發表時，建議零售價為 $1299，按這裡有詳細規格及最新賣價。
Nokia 5 在文章發表時，建議零售價為 $1388，按這裡有詳細規格及最新賣價。
SUGAR Y12 在文章發表時，大舖賣價為 $1298，按這裡有詳細規格及最新賣價。