大舖呢兩日開始正式將 P20 / P20 Pro 減價。點解會話「正式」？其實早兩日版主同百記 Friend 子傾開，P20 同 P20 Pro 佢哋有暗價，如果唔要禮品可以有「優惠價」，點知版主都未得閒出文，其他大舖明價都減到一樣價了。減幅並不算太多，前者減 $200，最新賣價為 $4780，而後者則減 $300，最新賣價為 $6480。
當然，大舖落價係咪最抵？唔係，依然比起 SUN Mobile 仲貴幾十蚊，但大舖提供嘅服務，點都比起去網絡商完善一點。平幾十蚊唔算得係咩，咁平幾百蚊又點睇呢？華為 P20 Pro 現時深水埗細舖賣價約 $5900，而就算係極光色亦都不過是貴多 $100 左右，會唔會令網友心郁呢？
華為 P20 在文章發表時，大舖賣價為 $4780，按這裡有詳細規格及最新賣價。
華為 P20 Pro 在文章發表時，大舖賣價為 $6480，按這裡有詳細規格及最新賣價。