HUAWEI P30 Pro 超屈機!比拼同期對手 50 倍 Zoom + 極低光拍攝無敵

管理員 2019-04-12 16:22 | Huawei
今時今日,買手機唔再淨係講 CPU 講效能,相機都係網友好關心的一環。最近華為推出的旗艦手機 HUAWEI P30 Pro,就連知名相機評測機構 DxOMark,都評佢有 112 分,高過生果手機不在話下,相比某韓牌競爭對手的 109 分仲要高分,甚至成為了目前 DxOMark 成績最好的手機。到底呢部 P30 Pro 有咩地方可以贏到對手?小編就找來某韓牌手機,同 P30 Pro 比拼一下。

P30 Pro(Facebook).jpg

001: HUAWEI P30 Pro 誇張到可以變「望遠鏡」

用咗華為 P30 Pro 一段時間,最令我有 Wow 一聲感覺的,應該係佢支持 50 倍數碼變焦的相機。50 倍數碼變焦是一個甚麼樣的概念?小編住在廿幾樓,拎住部 P30 Pro 喺屋企影落去對面馬路果間「七仔」便利店:

嘩!原來 HUAWEI P30 Pro 嘅 50 倍 Zoom 可以 Zoom 到咁近!

小編即刻諗起細個果陣,阿媽落街買餸,我偷打機,然後成日喺窗邊望住見唔見到阿媽返嚟,見到就即刻收機扮做功課 XD 但始終廿幾樓用肉眼睇唔係咁清楚,如果果陣我有部 P30 Pro 喇喎,哈哈哈...... (奸笑中~ 鼓掌)

螢幕截圖 2019-04-10 下午2.34.38.png
▲ 對比返對手,Zoom 到最盡都係得 10 倍,一較之下,顯得 P30 Pro 實在是太誇張了!


▲ 小編去咗大埔海濱公園影相,先來個 50 倍 Zoom 的簡單示範。

螢幕截圖 2019-04-09 下午11.46.49.png
▲ 左邊係喺無 Zoom 的情況下影的,可以見到現實都好遠下;而右邊就係 50 倍 Zoom 拍攝出來的,咁遠都可以將啲雀影到咁近,呢下係幾 amazing 嘅~

002: HUAWEI P30 Pro 支持 10x 無損變焦,細緻度秒殺對手

頭先講完 50 倍,而家講 10 倍,大家都係 Zoom,有乜唔同?做乜要分到咁細?所謂「無損變焦」,ePrice 謙虛仔 Daniel 都有解釋過,其實就是透過後製算法提升影像的畫質,所以華為 P30 Pro 就算 Zoom 到 10 倍都能夠保留細節,拍出一張清晰度頗高的照片。相比起對手只有 10 倍的數碼變焦,在細緻度、清晰度方面,P30 Pro 贏哂!
  ▲ 唔使放大,都好明顯睇得出,華為 P30 Pro 10x Zoom 的成像細緻度、清晰度都比對手高。當然如果你堅持想要睇原圖,可以按這裡下載。

003: ToF 鏡頭輔助,景深計算得更準確

唔理係影人定影物,有時候有景深效果,張相畀人感覺就會大大不同。然而,雖然好多手機都可以做到景深效果,但唔係部部手機個景深都做得好,當你放大啲邊位,就好容易露出馬腳。而 P30 Pro 有 ToF 鏡頭的輔助,在計算深度的時候會更準確,景深自然做得更加靚。
   
景深.jpg
▲ 留意韓系對手拍出來,好明顯睇得出唔係好自然,有啲地方應該要 blur 佢無 blur 到(紅圈位置),說明計算得不夠準確,而 P30 Pro 則沒有這問題。

004: 極低光拍攝,幾極端嘅環境都可以影到

呢個極低光拍攝模式,可以話係呢部 P30 Pro 嘅「殺手鐧」之一,主因佢感光度可高達 ISO 409600,就算係單反都未必真係做到。而事實上,雖然正常平時使用,真係無乜可能會用到 ISO 409600 咁誇張,但亦都可以話畀大家聽,幾黑都好,影相都唔再係一個難題,P30 Pro 照樣可以影得到,掂呀!小編就盡量搵個有咁黑得咁黑的環境,影張相畀大家睇下,到底 P30 Pro 可以有幾誇張!  ▲ 有對手之下真係突顯到到底 P30 Pro 有幾誇張,同一個環境之下,另一部手機近乎影唔到咁滯,但 P30 Pro 可以影得好清楚,影到好似打咗燈咁。

005: 3200 萬像素前置相機,自拍清晰度極高

如果平時鍾意自拍,P30 Pro 前置相機都好強大,有 3200 萬像素,自拍的時候都能夠保留足夠的細緻度,連條髮絲都睇得一清二楚!
  ▲ 華為 P30 Pro 在自拍鏡頭細緻度相當高,連小編的白頭髮都畀佢影到出嚟呀 XD


006: 除咗相機,HUAWEI P30 Pro 都係一部有很多賣點的手機

用了那麼長篇幅介紹 P30 Pro 的相機,你會問,除咗相機,P30 Pro 仲有無咩賣點?當然有!P30 Pro 拍照出色之餘,還有很多賣點係對手做唔到,例如 P30 Pro 會支援 40W 快速充電、15W 無線充電、電量又大啲有 4200mAh,而且仲具備特別的磁懸屏幕發聲技術,將手機的聽筒都收埋喺屏幕下面,節省機身正面的空間。仲有就係,P30 Pro 在機身顏色上都比對手靚,尤其是小編手上的「天空之境」,更是迷人。唔知大家又鍾唔鍾意呢種顏色呢?
 
56913401_2377107332334708_7965317240444682240_n.jpg

資料由客戶提供

最新新聞