Windows 旗艦級 Nokia Lumia 減價五百!有無得諗?
敝除唔少用家都唔太想用 Windows Phone 呢個問題,純以相機方面來計其實 Nokia 最後一部旗艦 Lumia 930 確實係不錯的,除左用上 26mm 廣角蔡司鏡頭同 PureView 技術之外,Lumia 的 2000 萬像素相機仲有 1/2.5 吋的 BSI 感光元件同 f/2.4 光圈。對影相為主的朋友呢部機確係可以考慮的,(當係收藏 Nokia 最後旗艦機又得)。最近呢部 Windows 旗艦就減左價,由 $3988 減至 $3488 ,雖然 $500 唔算減得多,但總比六千蚊一的旗艦吸引嘅。▲ 因為 Microsoft 有意等到 Windows 10 正式推出先再發佈新旗艦的關係,所以 Lumia 目前來計仍係 Windows Phone 之中規格較為頂級的一部。
相機表現比 HTC One M9 更好! Sony Xperia Z3 大鋪場價相距不大
另外有二千萬像素手機的牌子就係 Sony 啦!由 Xperia Z1 開始 Sony 就開始為佢嘅旗艦加入二千萬像素鏡頭,而最新一代的 Xperia Z3 係相機方面有 1/2.3 吋 ExmorRS for mobile 影像感光元件, 25mm 廣角, ISO 12800 同支援 4K 拍攝。早前就分享過 Xperia Z3 係大鋪又有減價,場內「全新行貨」價錢更可能去到四千有找,如果喜歡用手機影相的朋友真係可以考慮一下,因為係版主 Eddie 早前所做的評測裡面, Xperia Z3 的表現完全唔比 HTC One M9 差㗎。最後一部亦係今次介紹的手機之中最平的一部,就係魅族的 MX 4 Pro 啦! MX 4 Pro 係鏡頭上用左 Sony IMX220 Exmor RS 模組,亦有 1.2 微米大尺寸像素同埋 F2.2 光圈,有效像素高達 2070 萬。係硬件上同 Sony Xperia Z3 比亦唔差,有 2K 5.5 吋屏幕同埋雙四核 Samsung Exynos 5430 處理器以及 3GB RAM 。而係價錢方面,雖然 MX 4 Pro 近期並無點減價,但 $3298 呢個價錢其實都相當有吸引力呀!
▲水貨價錢在 $3,580 ~ $3,680 ,場內「全新行貨」最平問到 $3,980 (現金價),都係差少少咋
▲ 魅族的 MX 4 Pro 雖然大鋪行貨並無減價,但以價錢來講就比 Nokia 的 Lumia 920 同 Xperia Z3 平。
總括來計,目前來講擁有二千萬像素的手機並唔多,主要以 Sony Xperia Z 系列為主。但係有時像素又唔係代表一切嘅,好似早前同大家分享的夜拍畫質比較測試就可見將會係 4 月 1 號就會係香港發佈的 Samsung Galaxy S6 雖然只有千六萬像素,但表現都相當出色。唔知大家又覺得有邊部手機的拍攝效果係令你滿意呢?不妨留言講下啦!
Nokia Lumia 930 在文章刊出的時侯,定價 $ 3,488,按此看詳細規格和最新賣價。
魅族 MX 4 Pro 在文章刊出的時侯,定價 $ 3,298 ,按此看詳細規格和最新賣價。
Sony Xperia Z3 在文章刊出的時侯,定價 $4,698 ,按此看詳細規格和最新賣價。