HTC Butterfly 2 、Sony Xperia Z3 場內跌價!網友們等唔等 Z4 / B3?
其實 Sony Xperia Z4 發佈的時侯真是相當低調,仍然未知道它會不會在香港推出(有傳它會改名做 Z3 Plus),規格方面 5.2 吋 1920 x 1080 解像度屏幕與 Z3 相同,處理器就升級 Qualcomm S810 2.0GHz 八核心配 3GB RAM ,內置 32GB 容量並支援外置插卡,拍攝 2070 萬像素的 Exmor RS 鏡頭,承繼了上一代的 25mm 廣角、1/2.3 吋大小感光元件、f/2.0 大光圈與 ISO 12800,而前鏡頭亦升級到 510 萬像素的水準,電池量有 2930mAh,在 144g 的機身上面有 IPX5/IPX8、IP6X 是一個賣點,亦在 USB 連接埠取消了防水蓋功能,整體來說是一個 Z3 小升級。而 HTC Butterfly 2 之前減到 $3,398 既時侯,以 5 吋 FHD 、S801 四核、13MP 主鏡頭這個規格吸左唔少客,主要原因係因為比起同門 HTC One E8 貴少少,但係有埋 IP5/7 等級防水,係平價防水機既一部好選擇,不過新一代既 Butterfly 3 升級到 5.2 吋 WQHD(2560 x 1440)解像度屏幕、 Qualcomm S810 2GHz、3GB RAM / 32GB ROM 、相機升級 2020 萬像素感光元件,前鏡頭亦大大升級到 1300 萬像素,電池量沒有增大還是 2700mAh,而官方仍未確定防水防塵等級,而佢發佈完就成為網友們熱烈討論既一部新機。
呢兩部防水手機都先後係日本發佈,版主留意到最近先達場內亦見多了 Sony Xperia Z3 的「跟單行貨」機賣,價錢由 $3,280 去到 $3,480 都有,比起官方價錢 $4,498 低一截,就算是鋪頭「全新行貨」現金價都跌到 $3,700 左右有交易,算係一個幾大既跌幅啊;而 HTC Butterfly 2 方面大鋪仍然維持 $3,398 ,細鋪都平唔到幾多大約要 $3,200 ~ $3,250 先買得到,但亦有鋪賣「跟單行貨」,保養期去到下年 4 月既機賣價 $2,780 ,性價比又算唔算高呢?
先前版主 Lawrence 同大家講過,Sony Xperia Z4 未有咁快到,而 HTC Butterfly 3 都要六月先係日本開賣,換句話說大家隨時要等多個幾兩個月先會係香港見到佢地,你地會趁平入舊機定係繼續等呢?留言講下吧!
在文章發佈的時侯, HTC Butterfly 2 定價 $3,398,按此看詳細規格和最新賣價。
在文章刊出的時侯,Sony Xperia Z3 定價 $4,498 ,按此看詳細規格和最新賣價。