事先聲明：家庭觀眾網友，模仿本測試前請檢查手機的所有防水蓋是否妥當地合上。如因為水冷跑分而產生任何問題，ePriceHK 恕不負上任何責任。另外，並不是所有 Qualcomm S810 手機也適合是次測試，請留意閣下手機是否有 IP65/68 防水防塵標準。
終極測試開始！
可以咁講，市面上大部份的 S810 旗艦機有一方面是不及 Z3+ 的。大家都知道 S810 又稱：保溫龍 CPU ，呢個處理器所散發出溫暖的熱情並不是每部手機又或者用家隻手可以接受到嘅（所以有部用左 S810 處理器的金屬手機就被視為「煎蛋神機」了）。但係 Z3+ 的防水設計就是天然降溫機制，絕對有力提供一個絕住環境予 S810 發揮。所以今次版主就決定以一盤冰水去挑戰 Z3+ 的防水功能，同埋睇下能否激發出 S810 的真正威力！
▲ 首先我地就來個安兔兔跑分，有關 Z3+ 在正常情況下嘅跑分表現可以參考返之前版主 Keith 的上手試玩。（唉，個人認為今次掉 Z3+ 落水跑分最失策係冰唔夠多，而且放機入水時[上圖]冰塊已經溶左唔少。一時興起準備係差啲
）
▲ 可以見到係水下跑分對 Z3+ 來講完全無壓力，唔錯唔錯。
▲ 登燈登櫈！跑分出現啦！無錯，大家無眼花！係融左冰嘅水裡面 Z3+ 終於突破一般 S810 ＋ 3GB RAM 的分數極限，對比版主 Keith 的測試結果，「水冷」 Z3+ 安兔兔成績暴升 7000 分！
▲ 比大家再睇清楚啲！傳說中嘅「水冷跑分」今次證實真係有用啦！
▲ 睇完安兔兔結果再一齊留意埋溫度，係冰水之下 Z3+ 的熱能被高熱容量的水分子帶走，溫度成功保持在 22 度呢個水平，拎上手直情覺得凍冰冰！
▲ 接下來，本著「一係唔試，一係試到底」呢種精神，版主即時挑戰埋 Geekbench 3 。
▲ Geekbench 3 結果係單核 1189 ，而多核 3596 。
▲ 經過 Greekbench 3 的試煉之後，可以見到 Z3+ 的溫度提升到 26.7 ！ Vellamo 同埋 Basemark 2.0 仲排緊隊挑機㗎， Z3+ 能否堅持住呢？
▲ 好，過左安兔兔同 Greekbench 3 兩關，而家就到 Vellamo ！
▲ 時間關係，我地一於跳過步驟直接講結果，瀏覽器上 Z3+ 有 3691 分，多核有 2067 分而金屬有 1330 。同之前版主 Keith 測試做對比會發現係 Z3+ 係「水冷」下，瀏覽器同多核分數都微升左但金屬反而跌左少少。
▲ 通過左 Vellamo 的測試， Z3+ 的溫度再次上升，去到 30 度呢個水平！唔知面對最後一個考驗 Basemark 2.0 結果會點呢？
▲ 想唔到！經過幾個跑分測試後， Z3+ 都仍然可以突破極限！比起一般情況下 59.50 FPS 再提升到 60.26 FPS 。
▲ 經過多輪測試， Z3+ 最終溫度都只係 31.7 ，其實比起一般仲低，足以見到「水冷」的威力啦！
小結：「冷極跑分」只係噱頭，一齊睇睇防水表現
好，其實今次呢個水冷跑分測主要係玩嘢性質，旨在輕鬆搞下笑。不過，係今次「測試」入面其實都係一個相當好的機會去睇下 Z3+ 的防水情況。首先，有網友問到 Z3+ 是否可以在水中仍然操控到屏幕呢？答案當然係不可以啦。不過， Z3+ 從水中拎出來後不到兩秒屏幕就可以如常使用到，相信都算係不錯的表現。
▲ 另外，今次 Sony 係 Z3＋ 上用左防水 USB 連接埠設計，從水中拎上來， USB 連接埠當然係會沾到水啦，但只要用布一抹，就會乾晒。