C5 Ultra 開賣日子將近, M5 最遲會係月尾推出?
首先再講多少少兩部新機的情報先!其實 C5 Ultra 同 M5 都各有自己的賣點,前者有 6 吋超大 IPS 屏幕再加上僅 0.8mm 的超窄邊框,係相機方面就好似之前 HTC 的 Desire Eye 一樣有前後均採用 Exmor RS 感光元件的 1300 萬像素相機,對於愛大芒機的朋友來講相信會有一定吸引力。而 M5 就頗有機會成為 Sony 新一代的「旗艦殺手」,因為呢部定位中高階的手機除左用上 MTK 的 Helio X10 配 3GB RAM 之外,係相機方面更加有全新的(相信係 Sony IMX230 ) 2150 萬像素 Exmor RS 感光元件,實在是旗艦的規格啊!之前版主就提到兩部機預計都會係今個月推出,而家就再收到更詳細的消息,原來係台灣方面 8 月 11 號就會有 C5 Ultra 的記者會,相信開賣日期都會好接近,而另外 M5 就會係稍後的時間發佈,但都會係 8 月內!如果想入手新機的朋友真係要留意啦。C4 Dual 大鋪即減四百! Z3+ 跌破五千鬥 M9+
另一個可以預計到 C5 Ultra 好快會開賣的線索就係 Sony 其他手機係大鋪的價格調整了。原來近日 C4 Dual 唔聲唔聲已經做緊減價,不過可能因為同時間減價機款太多的關係並不算多人留意到。呢部機其實都有 5.5 吋大芒而且跟 c5 Ultra 一樣係用上 MTK 6752 1.7GHz 配 2GB RAM ,不過係相機方面就沒有 C5 Ultra 所主打的前後雙前三萬像素鏡頭同埋未有用上極窄邊框。係價錢方面本身賣緊 $2898 的 C4 Dual 而家已經賣緊 $2498 啦!除左 C4 Dual 之外, Sony 重點旗艦 Xperia Z3+ 都有減價!相信係因為呢輪各大牌子的旗艦好似係 Samsung 的 Galaxy S6 以及 HTC One M9+近來都已經跌穿左五千的關係, Z3+ 都有一定的減價壓力。所以而家係大鋪到 Xperia Z3+ 的價錢都微跌至 $4998 ,跟 M9+ 以及 S6 的賣價一樣。唔知係呢三部機之中大家又會點揀呢?襯減價入手目前的旗艦還是等埋兩部 Sony 新機的到來?一齊留言講講啦!
▲今次 Sony 兩機減價相信係一個定價調整,因為版主見到基本上間間大鋪都已經轉事價錢了。
▲ 同之前 $5128 呢個價錢相比, Xperia Z3+ 其實只係平左 $130 ,但就足以同其他旗艦比拼嘅。
在文章發佈的時侯,Sony Xperia C4 Dual 賣價為 $2498,按此看詳細規格和最新賣價。
在文章發佈的時侯,Sony Xperia Z3+ 賣價為 $4998,按此看詳細規格和最新賣價。