Xperia Z5 系列價錢曝光！ 4K 芒 Z5 Premium 衝破八千大關？
首先要再提多次，目前 Xperia Z5 系列的香港定價係仍未有正式公佈的。但係外國網站 PhoneArena 就搵到三部機係英國提供預訂的價錢。三部機之中當然以 Xperia Z5 Compact 的定價係最平啦，價錢係 549 英磅，大約為港幣 $6497 。而 Xperia Z5 就係 599 英磅，約為港幣 $7089 。而規格最頂級的 Z5 Premium 當然就會更貴了，要 699 磅，即係 $8273 港幣！好老實講，版主相信三部機到港時售價應該唔會咁貴嘅，因為以往 Xperia Z 旗艦一般定價都係五字頭，去到八千蚊機會應該不大。大家都無需太過擔心啦～
▲而家係 SonyMobile eShop 上仲可以見到三部機的價錢。
減左千三蚊！ Xperia Z3+ 行貨跌落四千三蚊又抵唔抵？
講完三部新機的英國定價後，而家再講下本地的消息先。係 C5 Ultra 推出左之後，在 6 吋大芒無邊框的優勢下，聲勢一時之間比起 Sony 自家目前在港最強的旗艦 Z3+ 還要犀利！在有新旗艦即將推出以及剛開賣的中階機氣勢如虹的情況下，有賣 Sony 行貨的細鋪就將 Z3+ 的價錢再減！原本定價 $5698 的 Z3+ 係 Sony 認可的細鋪到現時標價只係 $4380 ，足足平了千三蚊，同時都比而家仲係做緊 $4998 的大鋪平足六百！對於有意入手水貨的朋友來講，日水 Xperia Z4 都可以留意一下，目前最新的價錢為 $3780 ，比起現時 Xperia Z3+ 大鋪價錢平左千二蚊。有賣日水 Z4 的店主就提到 Z4 係經過 Update 後係發熱的情況上有左不少改善，有興趣的朋友都可以去試玩下嘅。另外，目前先達場內的 Z3+ 水貨價錢最平雖然標價係三千六蚊左右，但係如果要用到支援中文顯示的話就會貴啲，大約係三千八百蚊。
最後，係分享完 Z3＋ 細鋪減價同埋 Z5 系列係英國預訂的價錢後，唔知大家又會等新機在港推出再考慮還是襯而家入手目前的旗艦呢？一齊來講講吧！
▲ 細鋪行貨 Xperia Z3+ 的雙卡同單卡版價錢一樣，都係 $4380 。
▲ 日水 Z4 係價錢上同港版 Z3+ 大鋪行貨相比差距約一千左右。
在文章發佈時， Sony Xperia Z3+ 定價為 $4998 ，按此看手機詳細規格及最新賣價。