Xperia Z3+ 定價再減， M5 下周開賣！
係提過細鋪有減價之後，話都無咁快 Z3+ 的定價都相應的有所下調。係大鋪而家 Z3+ 的價錢已經下調至 $4698 ，雖然只係減左 $300 不算很多，但係同各大牌子旗艦的價錢相比，係競爭力上應該都加強左不少嘅，因為而家價錢已經追平左 LG G4 ，同時比起 HTC One M9+ 以及 Galaxy S6 更平了。講起 Z3+ ，如果有朋友係已經入手左的話，不妨留意下有沒有收到更新，更新後軟件版本為 28.0.A.8.251 。版主更新左之後用相機時發現 Force Close 問題好像改善左唔少呢（連拍 10 分鐘 FHD 解像度影片都不會出事）。
▲ 今次 Z3+ 幅度雖然唔大，但其實比起其他大牌子旗艦都平了不少。
iPhone 發佈日 M5 開賣，細鋪 Z3+ 又再劈，你點揀？
之前有網友提到 Z3+ 行貨係深水埗細鋪已經跌到四千二呢個水平，版主當然再去睇睇咩環境啦！想不到係官方減左價後，原來細鋪減得更激， $4098 就可以入手，比起之前提到的 LG G4 更平！係呢個時候，對於有意入手 M5 的朋友來講應該會好頭痕了，係規格上其實 Xperia M5 同 Z3+ 比起來相差並不算遠，一樣有 FHD 芒，處理器用左係發熱情況上處理得更好的 MTK helio X10 ，而且相機用左新一代支援 Hybrid AF 的 21.5MP 相機，同旗艦 Z3+ 相比可以話係難分伯仲。更重要係 Xperia M5 而家已經開賣有期，早幾日開始不論是 Sony Store 還是在大鋪已經開始預訂，而跟據 Sony 官方資料預計取貨日期就係 9 月 9 號（同 iPhone 的發佈會同日），換句話講即係當日就有現貨可供購買啦！唔知大家又覺得等多幾日買 M5 好還是而家襯平買 Z3+ 好呢？一齊留言講講啦！（個人會選 Z3+ ，因為藍色非常有型！)
▲Xperia M5 而家已經可以預訂，最快拎到貨會係 9 月 9 號。
▲ 雖然 Z3+ 的官價減左，但係場價方面就未有大變動。
在文章發佈時， Sony Xperia Z3+ 定價為 $4698 ，按此看手機詳細規格及最新賣價。
在文章發佈時， Sony Xperia M5 定價為 $3698 ，將會在 9 月 9 日開賣，按此看手機詳細規格及最新賣價。