可能係最後入手機會！Sony Xperia Z5 開賣，前代 Z3 大鋪即減，抵唔抵？

Lawrence 2015-10-09 21:41 | Sony

繼 Samsung 推出左下半年度旗艦 Galaxy Note 5 同埋 S6 edge+ 之後， Sony 的重點機款 Xperia Z5 今日都開賣啦！ Xperia Z5 同埋 Z5 Compact 預售左一段時間相信大家都會好清楚價錢係多少，但原來除左新機出之外，舊代旗艦 Xperia Z3 都有減價。想知減幾多就要睇下文啦！

Xperia Z5 開賣前代旗艦 Z3 即減，對比 M5 你點揀？

係 HTC 的 M9+ 極光版以及 LG 的 V10 發佈前， Sony 的 Xperia Z5 就搶先在港開賣，有關呢部新旗艦的測試 ePrice 都做過唔少，而價錢方面就係 Xperia Z5 定價 $5698 而 Xperia Z5 Compact 定價 $4798 。但對於有意入手 Sony 手機而又「筆直」有限的朋友來講，看來 M5 才是更吸引的選擇（大家見 M5 長期位居 ePrice 點擊排行榜首，係近日先回落到第二名就明啦！）。除左 Xperia M5 賣價有吸引力之外，其實前代旗艦 Z3 係價位上同 M5 相近，同樣係三字頭。 Z3 係新旗艦 Xperia Z5 開賣後，看來都有減價的需要，而家係大鋪已經跌到落 $3698 ，平左三百蚊，令目前 Z5 、 Z3+ 以及 Z3 三代旗艦係價錢上相差一千蚊。另外，值得大家留意係 Z3 在部份大鋪已經無左單卡版本只剩下 Dual TD 版，有機會慢慢抽起唔賣，有意入手的朋友就要留意了。

Z3 係大鋪有減的同時，賣行貨的細鋪價錢同樣有平，只係做緊 $3480 ，吸引力看來更大！不過，如果想入手 S801 處理器防水機的話，可以留意部份大鋪仍然有賣 HTC 的 Butterfly 2 ，價錢仍然係 $2740 ，性價比同 Z3 相比會有優勢。唔知大家又覺得 Xperia Z3 而家抵唔抵玩呢？留言講講吧！


▲ Z3 而家係衛訊又變左做「特價發售」，一問之下原來有平！


▲係 Sony 認可的細鋪， Z3 的價錢都更平。但要留意部份細鋪只有 Z3  Dual TD 版本，同百老匯一樣。

在文章發佈時， Sony Xperia Z3 賣價為 $3698 ，按此看詳細規格及最新賣價。