主題:【電量速測】旗艦新機安全慳電之選! Xperia XZ 最智能,最錫電

※ 此文已被鎖定,無法回覆與編輯 ※
  • 發表時間:2016-10-17 19:09 收錄檢舉
    相信好多人都知,某款旗艦因為電池設計問題,攪出好大件事,最後全數要回收。智能手機愈多功能,所需電量就愈多,電池保障就更為重要。新推出嘅 Sony Xperia XZ /X Compact,就有新技術保護電池。熊大試過,感覺幾有用!另外,呢兩款手機嘅相機功能,亦進步不少,令熊大印象深刻!要買新機,或者一眾「爆炸手機」災民,可以考慮一下。

    【電量速測】旗艦新機安全慳電之選! Xperia XZ 最智能,最錫電
     

    智能充電會記住使用習慣,唔會過份充爆,幫您錫住嚿電

    其他功能唔講住,先講大家最關心既手機電池設計,今時今日,有咩比手機使用安全更重要呢?今代 Xperia XZ 以及 Xperia X Compact 有一樣其他智能手機都無嘅,就係有Qnovo 智能充電技術加「電池保護」功能這兩項雙重電池技術。有咩好處? 當夜晚瞓覺時,電池充滿電後又keep住沒有拔出充電電源,其實係好傷電嘅動作,日日如是,長遠一定會令電池壽命減短。新技術會自動監察日常充電情況,按照用家的作息習慣,並自動調整充電電流及時間。例如你每晚深夜便會充電,一充就八小時 (瞓覺個陣),Qnovo會自動調節充電時嘅電流,輸出較適合嘅電壓充電,唔會不停強行使用高電壓,可令電池壓力減少;而電池保護技術同時先把手機充至 90%,到你差不多起床的時候,再充電至 100%,被免長時間處於100%而繼續充電,這樣亦能夠有效保護電池。能夠減低電池的損害程度,延長電池壽命。熊大親身試過,係真有其事!呢個功能實在太醒!

    【電量速測】旗艦新機安全慳電之選! Xperia XZ 最智能,最錫電
    ▲ Qnovo 系統,會依據你用手機嘅習慣,適當地調控充電流量以減少電池過份充電,長遠令電池更耐用安全。


    【電量速測】旗艦新機安全慳電之選! Xperia XZ 最智能,最錫電
    ▲ 在設定裡的「電池中」,有一項功能叫「電池保護」,開啟後能夠學習你的充電習慣,控制充電速度,並能有效延長電池壽命。

    Xperia XZ 和 Xperia X Compact 支持 Qualcomm Quick Charge 3.0,配合隨機附送的 UCH12W 快速充電器,最高輸出達 16.2W。熊大試過,充電五分鐘,就可以頂到用幾小時嘅輕用量,實在是非常有用。另外,Xperia XZ 的 USB Type-C 接口亦支持防水功能 (Xperia X Compact 係沒有的)。

    【電量速測】旗艦新機安全慳電之選! Xperia XZ 最智能,最錫電
    ▲ 改用了 USB Type-C 接口,支持正反兩插,方便老人家,唔駛認正反充電。

    【電量速測】旗艦新機安全慳電之選! Xperia XZ 最智能,最錫電
    ▲ 屋企裡面仲有好多 MicroUSB 嘅接線,無理由掉晒佢,熊大給大家少少意見,你可以買圖中嘅 microUSB 轉換 USB Type C 轉駁器, 把 MicroUSB 接口變為 USB Type C。不過,要留意一點,若果大家要使用快速充電,記得要配合跟機嘅快充與線材。舊線材,加轉駁器,最好只配合舊式嘅叉機,同樣能充飽 Xperia XZ 與 X Compact,只係速度無咁快。所以,要不要加買快速充電器與 Type C 線材,由大家決定,但用得醒目,大家都安心點。 
     

    新設計 好手感

    今年年中推出嘅 Xperia X 系列,係手機設計上,已經同上年嘅 Z5 系列有點不同。去到今次推出 Xperia XZ  與 X Compact,熊大更體會到 Sony 設計師的功力,都係長方形嘅手機,但係配色,物料上都令人很想去摸,有種很想仔細去欣賞嘅衝動。用文字真係好難講,熊大試試用圖片等大家透過屏幕,去 Feel 下,同我一樣上晒癮嘅話,就去電器舖感受一下!

    【電量速測】旗艦新機安全慳電之選! Xperia XZ 最智能,最錫電
    ▲ 熊大嘗試比較過 Xperia X Performance、Xperia XZ 以及 Xperia X Compact 的外型以及手感,三部手機在設計上,都是採用了「一體化」的設計,所謂「一體化」的設計,就是說外至手機機身、邊框,內至預載的 UI 界面,都保持着一致的顏色、風格。熊大手上的 Xperia XZ 是森藍色的,按下電源鍵後你會見到,畫面的用色跟機身顏色是完美配搭着的。

    【電量速測】旗艦新機安全慳電之選! Xperia XZ 最智能,最錫電 
    ▲  Xperia XZ 屏幕有 5.2 吋,而這個尺吋對於需要單手操作的用家來說,相當合適,亦不失大屏幕嘅感覺。

    【電量速測】旗艦新機安全慳電之選! Xperia XZ 最智能,最錫電
    ▲ Xperia XZ 機背以高純度 ALKALEIDO 金屬打造,高亮度鋁合金機背,令機身帶有霧面的光澤感,在不同燈光下,呈現不同嘅色調。

    【電量速測】旗艦新機安全慳電之選! Xperia XZ 最智能,最錫電 【電量速測】旗艦新機安全慳電之選! Xperia XZ 最智能,最錫電
    ▲ 而另一款 Xperia X Compact 用上 4.6 吋屏幕,愛細機嘅朋友,有新選擇了!  Xperia X Compact 採用了「Loop Surface」設計,讓機身表面望落好像環繞着整部手機一般。Xperia X Compact 則採用類似陶瓷的材質,質感一樣好特別。

     

     

    影相功能再提升

    相機功能是 Sony 手機特色之一,二千三百萬像素再加上 0.6 秒快速啟動拍攝,以及預測追焦,一直未有其他手機品牌可以做得到。今次 Sony Xperia XZ  與 X Compact 更針對時下流行嘅手機拍攝技術,再加以強化。熊大係呢一個星期用 Xperia XZ 影過唔少相,發覺影個陣反應好快,出來嘅相片質素亦很高!唔信,後續睇睇下我嘅試相啦。

    【電量速測】旗艦新機安全慳電之選! Xperia XZ 最智能,最錫電
    ▲ 今次 Xperia XZ 以及 Xperia X Compact 加入了全新雷射對焦感測器 (Laser AF sensor) 以及 RGBC-IR 色準影像感測技術,所以鏡頭亦有一個新設計。雷射對焦感測器能夠有助在低光環境下拍攝清晰對焦,令夜拍相片更加真實。而後者則能夠讓白平衡更加準確,還原更真實的色彩。這個是很有趣的課題,當大家一直讚某些品牌影相好靚,原來不過是後期加工的味精感覺,今年手機已玩色彩真實還原,係呢方面,Sony Xperia XZ 與 Xperia X Compact 透過新技術做到了。 


    ▲  廣告裡面,我哋見到 Sony 提及  Xperia XZ 以及 Xperia X Compact 是首款具備五軸防震的手機。真相是把 Sony 手機拍片時的 Steady Shot 再度加強,五軸防震代表手機會透過五個方向,修正影片郁動嘅畫面,令拍出來嘅影片,更加穩定。呢方面,熊大會係稍後有更多實測嘅短片,同大家分享。現在 Xperia XZ 架在腳踏車架上錄影的情況。


    二千三百萬像素相機試拍


    【電量速測】旗艦新機安全慳電之選! Xperia XZ 最智能,最錫電
    ▲ 加入了全新雷射對焦感測器 (Laser AF sensor) 令低光拍攝更加快速,影出來嘅夜景質素,比起以往 Sony 手機,都有提升。

    【電量速測】旗艦新機安全慳電之選! Xperia XZ 最智能,最錫電


    【電量速測】旗艦新機安全慳電之選! Xperia XZ 最智能,最錫電
    ▲ 另外,今代 Xperia XZ 的手動模式,能夠自行調整快門速度,能夠可以玩到更多不同的拍攝效果,例如光軌、流水等等,。更多的試相,請留意熊大稍後的文章。
     

    小結:用得安心,拍得開心

    在熊大試用 Sony Xperia XZ 嘅一星期裡面,大量拍片影相只有微溫,仍能正常使用,照理沒有安全嘅問題,Qnovo 是一樣長期保障電池嘅技術,要用得耐才知真正效用,但喜見有手機廠肯關注手機最重要嘅一環,令我用得好放心。而 Xperia XZ 初用亦有驚喜。我會多玩多一,兩個星期,再試拍更多,仲有拍片實測!
     

    資料由客戶提供

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • SONY Xperia XZ
    • 現時售價: HK $4,998
    • 尺寸: 146 x 72 x 8.1 mm / 162 g
    • 電池: 2900 mAh
    • 插卡: microSD
    • 螢幕: 1920 x 1080、 5.2 吋 IPS TFT
    • 相機: 2300 萬像素CMOS
    • 顏色: 黑/白/藍
    • 時間: N/A
    • 上市: 2016-10-07
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    • SONY Xperia X Compact
    • 現時售價: HK $3,298
    • 尺寸: 129 x 65 x 9.5 mm / 135 g
    • 電池: 2700 mAh
    • 插卡: microSD
    • 螢幕: 1280 x 720、 4.6 吋 IPS TFT
    • 相機: 2300 萬像素CMOS
    • 顏色: 黑/白/藍
    • 時間: N/A
    • 上市: 2016-10-07
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔