賤價鬥平賣!Sony / HTC / LG 減價手機你點揀?
|
Sony
Sony 5 吋手機劈價清貨,$1800 有找!
先由 Sony 說起。Sony 今年開始,就已經唔玩 Z 系列,改為專攻 X 系列。不過,自從上半年 X 系列三機 (Xperia X / XA / X Performance) 推出之後,就有唔少朋友仔覺得,好似 X 系列反而無 Z 系列咁吸引,特別係 XA,就連防塵防水的功能,都被移走了。或者因為缺少了特色,少左人買,加上下半年推出的 X Compact,吸引力更大,所以無辦法之下,大舖唯有將 XA 劈價清貨。原本 Xperia XA 建議零售價為 $2498,最近 Sony 將 XA 的建議零售價調低至 $1998,而大舖就依然仲有「即減 $200」的優惠,最新賣價為 $1798。呢個價,買部返去當後備機用,你又覺得是否可以接受呢?
▲ Sony Xperia XA 之前一直賣緊 $1998,不過而家已經降低左建議零售價,而大舖亦都有再減多 $200,最新賣價為 $1798。
HTC 舊代中階機,都有減!
平時比較講得多的 HTC 手機,都是旗艦級如 10 仔,反而其他比較中階的手機,就提得相對地少。但事實上,最近 HTC 手機都有做減價,不過唔係大舖減價,今次想講的係細舖。至於減價的手機係邊部? 佢地就係上年推出的 E9 以及 E9+。雖然 E9 推出的時間比 E9+ 遲,不過 E9 某程度上其實是規格較弱的 E9+,有 5.5 吋 FHD 芒 + 1300 萬像素主相機 + 400 萬像素 UltraPixel 前置相機,配備 MTK Helio X10 處理器,內置 2GB RAM 以及 16GB ROM,細舖最近減了 $200,最新賣價約 $1380。至於相對高階的 E9+,用上相同的處理器,不過就有 5.5 吋 2K 芒 + 2000 萬像素主鏡頭,內置 3GB RAM 以及 32GB ROM,最新細舖價為 $1998,而家入手你又有沒有興趣呢?
▲ HTC One E9 見到大舖仲有賣的,大舖賣緊 $1498,而細舖就平多一舊左右。
二千蚊入手 LG 手機,仲有支筆?
其實 HTC 兩部手機,而家跌到呢個價,其實我覺得都還可以入番部,當後備機用又好,間唔中拎黎玩下又得,不過如果你嫌係上年型號太舊,差不多價錢你可以考慮 LG Stylus 2 Plus,佢行 Qualcomm U 之餘,又有 3GB RAM 以及 32GB ROM,而且仲有一支筆添! 如果嫌三星 Note 系列太貴,呢部 5.7 吋 LG 手機,大舖今日見到賣緊 $2198,而細舖都跌穿二千的價位,你又會唔會考慮呢?
▲ LG Stylus 2 Plus 大舖最新賣價為 $2198,而細舖平多 $200,大約為 $1998,呢個價,又有大芒,又有支筆,網友又覺得抵唔抵玩下呢?
Sony Xperia XA 在文章發表時,大舖賣價為 $1798,按這裡有詳細規格及最新賣價。
HTC One E9 在文章發表時,大舖賣價為 $1498,按這裡有詳細規格及最新賣價。
LG Stylus 2 Plus 在文章發表時,大舖賣價為 $2298,按這裡有詳細規格及最新賣價。