原來，Sony 今次推出的第四隻新色，叫做「蜜粉色」，簡單來說咪又係粉紅色囉！呢隻最新發佈的蜜粉色，將會在 12 月初正式香港發售，唔係個個地區都有㗎，只有少數地區，咁啱香港有份。
Sony Mobile 表示，Xperia XZ 今次推出的「蜜粉色」，將會再次成為 2017 年的時尚代表顏色，柔軟的粉色搭配 AKALEIDO 高純度鋁質金屬，可以透出淡雅晶亮的光澤。Sony 官方又指，呢隻「蜜粉色」設計靈感同樣是來自大自然，就「如蜜蜂在正值盛開花季的植物取得之蜜，透出粉色的光亮，自然粉嫩中帶著晶瑩的甜美觸感」。唔知網友覺得，呢款顏色又靚唔靚呢？
