唔夠 LG V20 咁賣得？Sony Xperia XZ 大舖再減！原因竟然係......
雖然尋日放假，不過版主每次經過豐澤、百老匯等大舖，總會習慣性地走進去逛一圈，留意一下手機價格有沒有變動，務求第一時間能夠將最新的場情，同大家分享。而昨日版主就留意到，Sony Xperia XZ 價格又再一次有變動！點解會話係又再一次？因為其實上個月尾的時候，版主已經講過，因為 V20 的出現，導致 XZ 由原來的 $5398，減至 $5198。殊不知未夠一個月，XZ 大舖再減多 $100，最新賣價為 $5098。
到底是甚麼原因，令 Sony Xperia XZ 逼住再減呢？版主嘗試向大舖職員，了解一下，會唔會係因為 XZ 唔賣得，所以先要減呢？大舖職員指，XZ 比較多香港人買 (多數都係粉絲)，而大陸人就相當較少。照咁睇係唔係即係都好賣得？店員進一步透露，如果真係要講，XZ 唔夠 LG V20 咁賣得。去到呢度，版主就估計，可能因為 V20 最近第二批貨到貨，所以就多左人爭 V20，而 XZ 生意唔夠 V20 黎，所以唯有減價，盡量爭取多點生意。對於 Sony XZ 減價，網友點睇呢？
▲ Sony Xperia XZ 最新賣價為 $5098。
LG V20 行貨新低價，你會㨂 Sony XZ 定揀佢？
之前都講過，LG V20 因為缺貨，所以大舖無辦法下，唯有先將 V20 賣價調高至 $5598，而衛訊後來再一次將 V20 加價至 $5698 (未係最高，中原更去到 $5798，而且上星期已表示係有貨的)。好了，上面都講左，V20 最近第二批貨到貨，咁會唔會意味，V20 個價會調低番呢？版主暫時睇，就不見有調低，大舖價依然未變，有消息指貨量依然並不多，其中以黑色貨最少。反而細舖價就已經由上星期的 $5298，跌至 $5098，即係同 Sony XZ 的大舖價同價，你會揀佢定揀 Sony 呢？
▲ 大舖價格暫時未變，不過細舖已經賣到 $5098。
LG V20 在文章發表時，大舖賣價為 $5598，按這裡有詳細規格及最新賣價。
Sony Xperia XZ 在文章發表時，大舖賣價為 $5098，按這裡有詳細規格及最新賣價。