Sony Xperia X Performance 清貨大減，原價直劈 $2100！
有個現象，其實版主一直都覺得好有趣，亦都經常在想，到底點解會出現咁嘅情況。正當舊款旗艦 Z5 Premium 大舖依然企硬 $4398，而細舖亦都仲係賣緊 $3980 左右的時候，新一代 X 系列中的 X Performance，大舖居然已經跌到落 $3998，而細舖甚至去到 $3480 呢個價位。成件事係好奇怪，調番轉頭同一品牌的 S820 手機，居然跌價快過舊代，代表左啲咩? 係咪即係，Z5 Premium 比起 X Performance 更有市場？網友又點睇呢？
HTC 10 賣價再創新低！平過細舖，條件是......？
早兩日先同大家提及到，HTC 10 終於在大舖有減價，由「即減 $1200」變成了「即減 $1400」，最新賣價為 $4298。雖然大舖係減左，但始終不及上個月 SmarTone 網店 $3998 咁抵玩，可惜的是瞬間被秒，好快就無哂貨了。時隔一個多月，終於發現，HTC 10 再出現新低價，CMHK 網店如果免簽約價，賣緊 $4198，本身已經比大舖便宜，而如果你本身是 CMHK 客戶，而合約期仲有超過 6 個月的話，仲可以 $3980 的價錢，入手 HTC 10。表面看來，最多咪只係拉平在 SmarTone 果陣個價！不過，CMHK 買 HTC 10，仲會額外送 $100 超市禮券，扣除優惠，其實即係賣緊 $3880。呢個價錢，跌穿大家心理關口未？CMHK 客戶，要敗嗎？
▲ 免簽約價為 $4180，如果你係 CMHK 客戶，而又有至少 6 個月合約在身，就可以 $3980 呢個價錢，入手 HTC 10，仲送 $100 超市禮券。扣除優惠，機價為 $3880。
Sony Xperia X Performance 在文章發表時，大舖賣價為 $3998，按這裡有詳細規格及最新賣價。
HTC 10 在文章發表時，大舖賣價為 $4298，按這裡有詳細規格及最新賣價。